Posted: 04/04/2012 01:41 PM IST

కొత్తగా పెళ్ళయిన మహిళలు సంతానం కోసం ప్రయత్నిస్తూ డైటింగ్ చేస్తున్నారా ? అయితే మీకు పుట్టబోయే బిడ్డ భవిష్యత్తులో డయాబెటిస్ వ్యాధికి గురవుతారు. డైటింగ్‌ చేస్తున్న సమయంలో గర్భం ధరిస్తే సంతానం స్థూలకాయానికి లోనవుతారని మాంచెస్టర్ యూనివర్శిటీకి చెందిన పరిశోధకులు గొర్రెల పై జరిపిన ప్రయోగాల్లో బయటపడ్డాయి.

వారు జరిపిన పరిశోధనల్లో గొర్రె రెండు సార్లు గర్భం ధరించే సమయంలో ఒకసారీ పోషకాలను ఇవ్వగా, మరొకసారీ పోషకాలను ఇవ్వకుండా చేసి ఫలితాలను విశ్లేషించారు. గొర్రె గర్భం దాల్చడానికి ముందు ఆ గొర్రెకు తక్కువ పోషకాలను అందించిన కారణంగా, గొర్రె గర్భం ధరించిన తర్వాత పిండం ఎదుగుతున్న దశలో దాని మెదడులో జన్యువులు మార్పులకు గురయ్యాయి. రెండవసారీ గర్భం ధరించిన సమయంలో పోషకాలను అందించగా పిండం ఎదుగుదల సాఫీగా కొనసాగి ఆరోగ్యవంతమైన గొర్రె పిల్లకు జన్మించింది. ఈ ఫలితాలు మానవులకు కూడా వర్తిస్తాయని శాస్త్రవేత్తలు అన్నారు.  కాబట్టి తల్లికావాలనుకుంటున్న మహిళలు ముందునుంచే ఆహారాన్ని తగినంతగా తీసుకోవాలని హెచ్చరిస్తున్నారు.