Posted: 04/03/2012 07:47 PM IST

ప్రముఖ పుణ్యక్షేత్రమైన శ్రీశైలం మల్లికార్జున స్వామిని దర్శించుకునేందుకు వెళ్ళిన మహబూబు నగర్ జిల్లా,నెట్టంపాడు మండలంలోని నిజాంపల్లి గ్రామానికి చెందిన 24 మంది భక్తులు గల్లంతయ్యారు. వీరు ఆదివారం రోజు దేవుడ్ని దర్శించుకోవడానికి నిజాంపల్లి గ్రామం నుండి బయలు దేరారు. మల్లికార్జున స్వామి దర్శనం చేసుకున్న అనంతరం సోమవారం వారు తిరుగు ప్రయాణం అయ్యారు. అయినా ఇప్పటికి ఇంటికి చేరకపోవడంతో ఆందోళన చెందిన వారి బందువులు పోలీసులకు ఫిర్యాదు చేశారు. ఈమేరకు కేసు నమోదు చేసుకున్న పోలీసులు దర్యాప్తు చేస్తున్నారు. ఇప్పటికీ ఏ వివరాలు తెలియరాలేదు. అయితే ఏదైనా ప్రమాదం జరిగిందా ? లేక వేరే ఏ పుణ్యక్షేత్రానికైనా వెళ్ళి ఉంటారా అనే కోణంలో పోలీసులు చర్యలు చేపట్టారు.