Posted: 04/03/2012 06:51 PM IST

క్రికెట్ దేవుడు, మాస్టర్ బ్లాస్టర్ సచిన్ టెండూల్కర్ కి కనకాభిషేకం చేయనున్నారు. వంద సెంచరీల రికార్డు నెలకొల్పిన సచిన్ కి ముంబయి క్రికెట్ అసోసియేషన్ (ఎంసీఏ) రూ. 25 లక్షల విలువచేసే 100 బంగారు నాణేలతో సత్కరించనుంది. ఈ మేరకు కేంద్ర మంత్రి విలాస్‌రావ్ దేశ్‌ముఖ్ నేతృత్వంలోని ఎంసీఏ మేనేజింగ్ కమిటీ ని ర్ణయం తీసుకుంది. 'సచిన్‌ను ఘనంగా సత్కరించాలని నిర్ణయించుకున్నట్లు విలాస్‌రావ్ దేశ్‌ముఖ్ తెలిపారు. ఈ మేరకు సచిన్‌తో మాట్లాడారు. సన్మాన కార్యక్రమానికి సమయం కేటాయించాల్సిందిగా అడిగారు. సచిన్ కూడా దీనికి అంగీకరించాడు. అయితే ఈ కనక వర్ష సన్మానం ఎప్పుడనేది తేదీ ఇంకా ఖరారు కాలేదు' అని ఎంసీఏ సంయుక్త కార్యదర్శి నితిన్ దలాల్ తెలిపాడు. సచిన్ కి కనకాభిషేకం చేయడం సరైన నిర్ణయమని అభిమానులు అంటున్నారు.