Posted: 03/13/2012 04:00 PM IST

           సభ్య సమాజం తలదించుకోవాల్సిన సంఘటన మరోకటి ప్రజానీకాన్ని దిగ్భాంతికి గురిచేసింది.  వెళ్తున్న కార్లో,  ఏడాదిన్నర వయసున్న కన్నకొడుకు ముందే ఆ తల్లిని బలాత్కరించారు కామాంధులు. ఈ ఘటనకు సాక్షాత్తూ మన దేశ రాజధాని న్యూఢిల్లీ లోని గుర్గావ్ ప్రాంతం వేదికైంది.
          ఇంటిపని చేసుకునే 25 ఏళ్ల మహిళ,  మారుతి 800 లో అటుగా వెళ్తున్న తెలిసిన వ్యక్తిని లిఫ్ట్ అడిగింది. కొడుకుతో పాటు కారెక్కిన ఆ మహిళపై అత్యాచారానికి ఒడిగట్టారు కారులో ఉన్న ఇద్దరు కాంమాంధులు. అనంతరం పశ్చిమ ఢిల్లీలోని వికాస్ పురిలో రోడ్డు పక్కన వదిలి వెళ్లిపోయారు. ఘటన తెలుసుకున్న పోలీసులు ఆమెను ఆస్పత్రికి తరలించారు. మెడికల్ పరీక్షల్లో రేప్ జరిగిందని నిర్ధారించ బడింది.  ఢిల్లీ పోలీసులు కేసు దర్యాప్తు చేస్తున్నారు.
          కాగా, మొన్నటికి మొన్న ఇదే ప్రాంతంలో, పబ్ లో పనిచేసే మహిళను ఎత్తుకెళ్లి  ఆరుగురు కామపిశాచాలు సామూహిక అత్యాచారం చేసిన దుర్ఘటన మరువక ముందే ఈ సంఘటన జరగటం అక్కడి ప్రజలను భయభ్రాంతులను చేస్తోంది.

...avnk