Posted: 12/23/2011 01:50 PM IST

నిన్న పార్లమెంటులో ప్రతిపాదించిన లోక్ పాల్ బిల్లు మీద రాజకీయనాయకులే కాక ఈ బిల్లుకున్న భారత రాజ్యాంగ నిబద్ధత మీద పలువురు ప్రముఖులు పలు అనుమానాలను వ్యక్తపరచారు.  రాజ్యాంగం మీద అధికారికతగల సోలి ఎస్. సొరాబ్జీ, రాజీవ్ ధవన్ లు 50 శాతం రిజర్వేషన్ల కు అర్థం లేదని అన్నారు.  9 మంది సభ్యులుండే లోక్ పాల్ లో మైనార్టీలకు, స్త్రీలకు రిజర్వేషనేమిటని ప్రశ్నిస్తున్నారు.  అవినీతిని అరికట్టటానికి వచ్చే లోక్ పాల్ ని అవహేళన చెయ్యటమే అవుతుందని అంటున్నారు.  ఒక మాజీ అటర్నల్ జనరలయితే అవాక్కయ్యారు.  లోక్ పాలేమైనా ఉపాధి పథకమా, ఉద్యోగాలనిస్తుందా.  ఇందులో రిజర్వేషనేమిటి.  ఇది కేవలం అవినీతిని అంతమొందించటానికి ఏర్పడుతున్న సర్వాధికారాలున్న ప్రజా కమిటీ కదా అని అంటున్నారు.  అసలు రాజ్యాంగంలోనే రిజర్వేషన్ అనేది లేదు.  కాబట్టి రిజర్వేషనే రాజ్యాంగవిరుద్దమైనప్పుడు అది 9 మంది సభ్యులకు కూడా వర్తించాలనటం నిర్హేతుకమని అని చెప్పే న్యాయకోవిదులే చాలామంది ఉన్నారు. 

అసలు కేంద్రానికి రాష్ట్రంలో లోకాయుక్తను నియమించే అధికారముందా, రాజ్యాంగం ప్రకారమైతే లేదు అని ధవన్ ఈ లోక్ పాల్ బిల్లులో తన అభ్యంతరాలను తెలియజేసారు.  

అయితే కేంద్ర మంత్రి వీరప్ప మొయిలీ మాత్రం ప్రస్తుత ప్రతిపాదిత లోక్ పాల్ ని సమర్థిస్తూ, ఇది మైనార్టీ కోటాగా తీసుకోవద్దని, అన్ని వర్గాలలోంచి ఇందులో ప్రతినిధులు పాలుపంచుకోవటానికి ఇది ఒక ఉపాయం మాత్రమే నని అంటున్నారు.

-శ్రీజ