Posted: 12/13/2011 01:47 PM IST

బెంచీలు మారిన చంద్రబాబు కేసుని రాష్ట్రాన్నే మార్చటానికి వైయస్ విజయమ్మ సుప్రీం కోర్టు తలుపు తట్టారు.  తెదేపా అధ్యక్షుడు చంద్రబాబు అక్రమార్జనతో సంపదలను కూడబెట్టారని ఆరోపిస్తూ చంద్రబాబు, ఆయన అనుచరుల ఆస్తుల విచారణ చేపట్టవలసిందిగా వైయస్ విజయమ్మవేసిన పిటిషన్ ను స్వీకరించిన హైకోర్టు దర్యాప్తుకి సిబిఐని ఆదేశించగా, వ్యూహాత్మకంగా వ్యవహరిస్తూ చంద్రబాబు తన వెకేట్ పిటిషన్ ని తనకు అనుకూలంగా బెంచీలను మారుస్తున్నారని, రాష్ట్రంలో న్యాయం జరుగుతుందనే నమ్మకం లేదు కనుక వేరే రాష్ట్రానికి ఈ కేసుని బదిలీ చెయ్యవలసిందంటూ ఆమె సుప్రీం కోర్టులో పిటిషన్ దాఖలు చేసారు.  ఆ పిటిషన్ లోని అంశాలు ఇవి-

రాష్ట్రంలో నిష్పక్షపాతంగా విచారణ జరగటానికి అనుకూలమైన వాతావరణం కనిపించటం లేదు కాబట్టి మరో హైకోర్టుకి నా రిట్ పిటిషన్ ని బదిలీ చెయ్యాలి.

హైకోర్టు ప్రధాన న్యాయమూర్తి తనకు రిలయన్స్ లో వాటాలున్నందువలన ఈ కేసుని తన బెంచ్ నుంచి బదిలీ చేసారు.  అయితే ప్రతివాదులు వ్యూహాత్మకంగా వ్యవహరిస్తూ, వెకేట్ పిటిషన్ ని జస్టిస్ ఈశ్వరయ్య ముందు మాత్రమే వచ్చేటట్టుగా ప్రయత్నం చేసారు.  న్యాయవ్యవస్థను అపహాస్యం చేస్తున్నారు.  ఈ విధంగా కేసులో ఆలస్యం జరిగేట్టుగా చూస్తున్నారు.  ప్రజా ప్రయోజనం కూడా దెబ్బతినే అవకాశం ఉంది కాబట్టి, మాజీ ముఖ్యమంత్రి మీద అభియోగం అవటం వలన ఆయన మద్దతుదారులు విచారణను అడ్డుకునే అవకాశం కూడా ఉంది కాబట్టి, ఈ కేసుని ఇతర హైకోర్టులకు దేనికైనా మార్చటం వలన న్యాయం జరగుతుందని, విచారణ నిష్పక్షపాతంగా జరుగుతుంది.

-శ్రీజ