చంద్రబాబుపై ఎమ్మెల్యే మల్లాది విష్ణు విమర్శలు

Posted: 04/29/2013 05:53 PM IST

చంద్రబాబునాయుడు తొమ్మదేళ్లు ముఖ్యమంత్రిగా పనిచేసిన సమయంలో ప్రజలను పూర్తిగా నిర్లక్ష్యం చేశారని ఆరోపించారు. సంక్షేమాన్ని గాలికి వదిలేసి మద్యనిషేదం ఎత్తివేసి ఊరూవాడ బెల్టు షాపులను ఏర్పాటు చేసిన ఘనత బాబుకే దక్కుతుందన్నారు. విద్యుత్‌ చార్జీలు పెంచడం, లాఅండ్‌ ఆర్డర్‌ అదుపుచేయలేకపోవడం గుర్తులేదా అన్ని ప్రశ్నించారు. ప్రస్తుతం ఆయన చేస్తున్న వాగ్ధానాలు చూస్తుంటే నవ్వు వస్తుందన్నారు. ఆచరణ సాధ్యం కానీ హామీలను ప్రజలకు ఇస్తూ వారిని తప్పుదారి పట్టిస్తున్నారన్నారు. సాయంత్రం వేళల్లో పాదయాత్ర చేయడం ద్వారా ప్రజలకు దూరంగా చంద్రబాబు యాత్రసాగిందన్నారు.

చంద్రబాబునాయుడు ముఖ్యమంత్రిగా, ప్రతిపక్షనేతగా ఘోరంగా విఫలం చెందారని సెంట్రల్‌ ఎమ్మెల్యే మల్లాది విష్ణు విమర్శించారు. ఆంధ్రరత్నభవన్‌లో ఏర్పాటు చేసిన విలేకరుల సమావేశంలో మల్లాది విష్ణు చంద్రబాబుపై తీవ్రస్థాయిలో విమర్శలు చేశారు. ఆయన రికార్డుకోసమే పాదయాత్ర చేశారు తప్పా ప్రజాసమస్యలపై చిత్తశుద్ధి ఉండికాదన్నారు. దివంగత ముఖ్యమంత్రి వైఎస్‌ రాజశేఖరరెడ్డి మండువేసవిలో పాదయాత్ర చేశారని ప్రతి పేదవారి సమస్యలు విని ముఖ్యమంత్రి అయిన తరువాత వాటిని పరిష్కరించారని గుర్తుచేశారు.