Posted: 03/26/2013 04:15 PM IST

ఆ ఇద్దరు మంచి ప్రేమికులు. వారి ప్రేమను ఇరువైపుల పెద్దలు అంగీకరించారు. అంతేకాకుండా పెళ్లికూడా గ్రీన్ సిగ్నల్ ఇవ్వటం జరిగింది. వారిద్దరూ ఒకే చోట పనిచేస్తున్నారు.  వివాహం నిశ్చయమైంది.  పెళ్లి రేపనగా ముందు రోజు పెళ్లి కూతురు  ఆభరణాలతో  పెళ్లికొడుకు పరారయ్యాడు.  పెళ్లి కుమార్తె  ఇచ్చిన ఫిర్యాదు మేరకు  పోలీసులు అతని కోసం  గాలిస్తున్నారు.  పోలీసులు తెలిపిన వివరాల ప్రకారం  యనమలకుదురు గ్రామానికి  చెందిన ఓ మహిళ  ఆసుపత్రిలో  ఆయాగా పనిచేస్తున్నారు.  ఆమెకు అక్కడే  పనిచేసే  పటమటకు చెందిన శ్రీనివాస్ అనే సెక్యూరిటీ గార్డుతో  పరిచయం ఏర్పడింది.  ఈ పరిచయం ప్రేమగా  మారి పెళ్లి వరకు  వెళ్లింది.   ఫిబ్రవరి 28న గుడ్లవల్లేరు  మండలంలోని  కొండాలమ్మ ఆలయంలో  వివాహం నిశ్చయించారు.  అదే నెల 27వ తేదీన  శ్రీనివాస్  భవానికి ఫోన్ చేసి  తన మేనత్త మరణించిందని , పెళ్లిని వారం రోజులు వాయిదా  వేద్దామని  నమ్మించాడు.  ఆమెకు చెందిన  ఏసీ,  బంగారం  ఆభరణాలను  తీసుకువేళ్లాడు.  అప్పటి నుంచి ఆమెకు  కనిపించకుండా పోయాడు.  అనుమానం  వచ్చి ఆమె పటమటలోని అతని ఇంటికి వెళ్లి చూడగా అక్కడా కనిపించలేదు.  మోసపోయానని తెలుసుకున్న  ఆమె వెంటనే పోలీసులకు ఫిర్యాదు చేయటం జరిగింది. పరారులో ఉన్న  శ్రీనివాస్  కోసం పెనమలూరు పోలీసులు గాలిస్తున్నారు..