Tourist Places In Krishna District

Posted: 03/06/2013 06:02 PM IST

Tourist Places in Krishna district

దేశం మొత్తం మీద వినోదం కోసం ఎక్కువగా ఖర్చుపెట్టేది ముంబై, ఢిల్లీ, చెన్నై కాదు! అది... మన రాష్ట్రంలోని కృష్ణా జిల్లా. సమాచార వినిమయం (కమ్యూనికేషన్స్)లో హైదరాబాద్ ఐదో స్థానం దక్కించుకుంది. ఆనందమయమైన టాప్-20 జిల్లాల్లో హైదరాబాద్‌కు కూడా చోటు దక్కింది. ఇది... 11వ స్థానంలో నిలిచింది. 'ఆనందంగా ఉండటమంటే డబ్బులు సంపాదించడం మాత్రమే కాదని మా అధ్యయనం స్పష్టం చేసింది' ఈ సర్వేలో కీలక పాత్ర పోషించిన కె. రామన్ తో అన్నారు.

ఈశాన్యంలో మహిళలకు మేలు

మహిళల భద్రతకు, వారికి అందే సౌకర్యాలకు మధ్య సంబంధం లేదని ఈ అధ్యయనంలో స్పష్టమైంది. అనేక వసతులు, సౌకర్యాలున్న ఇతరత్రా ప్రాంతాలకంటే... ఈశాన్య రాష్ట్రాల్లో మహిళలకు భద్రత ఎక్కువగా ఉన్నట్లు తేలింది. దక్షిణాది రాష్ట్రాలు మాత్రం మహిళల భద్రత విషయంలో మెరుగ్గా ఉన్నాయి. ఉత్తరాది రాష్ట్రాల్లో మాత్రం భద్రత లేదని తేలిందని రామన్ చెప్పారు. భద్రతా సూచీని స్త్రీ, పురుషుల నిష్పత్తి, అత్యాచారాలు, వరకట్న మృతుల సంఖ్య ఆధారంగా రూపొందించారు. ఇందులో ఆంధ్రప్రదేశ్‌కు 11వ స్థానం దక్కింది.

ఇక జిల్లాల విషయంలో భద్రతా సమస్యలు ఎక్కువగా ఉన్న నగరాలలో హైదరాబాద్, ఢిల్లీ అగ్రస్థానంలో (ఇండెక్స్‌లో చివరి స్థానం) ఉన్నాయి. మహిళలపై ఎక్కువ అత్యాచారాలు జరిగే మొదటి ఐదు జిల్లాలు తమిళనాడు, పాండిచ్చేరిలలోనే ఉండటం గమనార్హం. ఆర్థికంగా అభివృద్ధి సాధించిన ఢిల్లీ, పంజాబ్, హర్యానా వంటి రాష్ట్రాలు కూడా మహిళా భద్రత విషయంలో వెనకబడి ఉన్నాయి. మొత్తంగా చూస్తే... అటు ఆనందమయ జీవితంలోనూ, ఇటు మహిళల భద్రత విషయంలోనూ దక్షిణాది రాష్ట్రాలే మెరుగ్గా ఉన్నాయి.

ఇదీ సూచీ

ఇల్లు, ఇంటి అలంకరణ, వంటింటి సౌకర్యాలు, శుభ్రత, వినోదం, ఆరోగ్యం, కమ్యూనికేషన్స్, రవాణా, విద్య - ఇలా ఎనిమిది అంశాలపై జాతీయ స్థాయిలో సమాచారం సేకరించారు. 'వెల్ బీయింగ్ ఇండెక్స్'ను రాష్ట్రాలు, జిల్లాల వారీగా రూపొందించారు. ఈ సూచీలో గోవా మొదటి స్థానంలో నిలవగా... ఢిల్లీ రెండో స్థానం ఆక్రమించింది. ఆంధ్రప్రదేశ్‌కు 8వ స్థానం దక్కింది. డీవీడీలు, సినిమాలపై పెట్టే ఖర్చు మొదలైన అంశాల ఆధారంగా 'వినోదాన్ని' కొలిచి... అందులో కృష్ణా జిల్లా అగ్రస్థానంలో ఉన్నట్లు తేల్చారు.