Posted: 01/23/2013 04:03 PM IST

తిరుమల తిరుపతి దేవస్థానం అధికారులకు, పాలకమండలికి మధ్య ప్రచ్ఛన్నయుద్ధం కొనసాగుతోంది. విధివిధానాల్లో  ఎవరి పంతం వారు నెగ్గించుకునే ప్రయత్నంలో విభేదాలు తలెత్తున్నాయి. వ్యక్తిగతప్రయోజనాలకోసం భక్తులను ముప్పుతిప్పలు పెట్టిస్తున్నారనే విమర్శలు వెల్లువెత్తున్నాయి. తాజాగా కాలినడకన వెళ్లే భక్తులను నియంత్రించే ప్రయత్నంలో మరోసారి విభేదాలు పొజూపాయి. కాలినడకన వెళ్లే భక్తులకు 15 వేల టిక్కెట్లను జారీ చేయాలని నిర్ణయించారు. ఈ విషయంపై పాలకమండలిమాత్రం అసంతృప్తివ్యక్తం చేసింది. నిన్న జరిగిన పాలకమండలి సమావేశంలో టిక్కెట్లజారీలో పరిమితి విధించవద్దని వారించినా అధికారులు సాధ్యంకాదన్నారు. విధివిధానాల్లో సాధ్యాసాధ్యాలను పరిశీలించి భక్తులకు శ్రీవారిదర్శనాన్ని సులభతరం చేస్తామని టీటీడీ ఛైర్మన్‌ కనుమూరి బాపిరాజు చెప్పారు.