Posted: 01/03/2013 06:15 PM IST

కాలినడకన వెళ్లే భక్తులకు ఉచితంగా జారీ చేసే దివ్యదర్శనం  టోకన్ల జారీని పరిమితం  చేయాలని టీటీడీ నిర్ణయించింది. ఇందులో భాగంగా పది రోజులు దీన్ని  ప్రయోగాత్మకంగా .... అటు తర్వాత పూర్తి స్థాయిలో అమలు చేయనున్నారు. కాలినడకన వచ్చే భక్తులకు మూడేళ్ల క్రితం  టోకన్ల జారీ విధానాన్ని టీటీడీ ప్రవేశపెట్టింది. ఇందులో భాగంగా టోకన్లు తీసుకున్న భక్తుల లగేజీ, వసతి ఏర్పాట్లు, తలనీలాలు సమర్పించడం.. శ్రీవారి దర్శనం  అన్నీ త్వరగా అయ్యేలా ఏర్పాట్లు చేసింది. దీంతో గతంలో ఐదు వేల వరకు వచ్చే భక్తుల సంఖ్య నేడు ఇరవై వేలకు పెరిగింది. వారాంతాల్లో 30 వేల మంది నడకదారిన చేరుతున్నారు. దివ్యదర్శనం  టోకన్ల జారీ పెరగడంతో సర్వదర్శనం  భక్తులకు స్వామి వారి దర్శనం  ఆలస్యం  అవుతోంది. ఈ సమస్య పరిష్కారం కోసం టోకన్ల జారీని రోజుకు 15 వేలకు కుదించాలని నిర్ణయించారు.