Posted: 12/14/2012 05:42 PM IST

ఎస్వీ యూనివర్సిటీ పరిధిలోని రూయా ప్రభుత్వ ఆస్పత్రి లో ఓ ఫేక్‌ డాక్టర్‌ను పట్టుకుని పోలీసులకు అప్పగించారు తిరుపతిలోని రుయా ఆస్పత్రి సిబ్బంది. నాలుగేళ్లుగా ఈ వ్యవహారం కొనసాగుతున్నా, ఎవరికీ అనుమానం రాలేదు. అధికారులే పరోక్షంగా నకిలీ డాక్టర్‌ను సృష్టించారని తెలుస్తోంది. తిరుపతిలోని రుయా ఆస్పత్రిలో నాలుగేళ్లుగా హౌస్‌సర్జన్‌గా కొనసాగుతున్న నకిలీ డాక్టర్‌ అలేఖ్యను పట్టుకుని పోలీసులకు అప్పగించారు ఆమె కొలీగ్స్‌. వివరాల్లోకి వెళితే.... 2006లో ఎస్వీ మెడికల్‌ కాలేజీలో ముంతాజ్ అనే విద్యార్థినికి సీటు వచ్చింది. అయితే జాయిన్‌ అయిన కొద్ది రోజులకే ఆమె మృతిచెందడంతో.. ఆ స్థానంలో అలేఖ్య చేరినట్లు తెలుస్తోంది. అడ్డదారిలో, లంచం ఇచ్చి సీటు పొందినట్లు అలేఖ్యపై ఆరోపణలు ఉన్నాయి. నిత్యం ఆస్పత్రి నుంచి పెద్దఎత్తున మందులు, రోగులను తరలిస్తుండటంతో అనుమానం వచ్చిన సహచర వైద్యులు కూపీ లాగారు. అంతే.. డొంకంతా కదిలింది. అలేఖ్య ఫేక్ డాక్టర్‌గా తేలిపోయింది.అసలు 2006 నుంచి ఆ పేరుతో ఎవరూ జాయిన్‌ కాలేదని ఎస్వీ మెడికల్ కళాశాల ప్రిన్సిపల్‌ చెప్తున్నారు. మొత్తానికి నకిలీ డాక్టర్‌ అలేఖ్యను అదుపులోకి తీసుకున్న పోలీసులు దర్యాప్తు ప్రారంభించారు.