దంతాల ఆరోగ్యానికి వంటింటి చిట్కాలు

Posted: 08/11/2015 06:27 PM IST

ప్రస్తుత ఆధునిక యుగంలో చాలామంది దంతాలు, చిగుళ్ల నొప్పితో బాధపడుతున్నారు. ఏదైనా తిన్నప్పుడు వారి దంతాలు తీవ్ర నొప్పి గురవుతాయి. అంతేకాదు.. తరచూ రక్తస్రావం కూడా జరుగుతుంటుంది. కాలక్రమంలో దంతాలు వదులుగా తయారై ఊడిపోతాయి. ఇలాంటి సమస్యని ఎదుర్కోవాలంటే కొన్ని ఎఫెక్టివ్ రెమెడీలు వాడితే చాలని ఆరోగ్య నిపుణులు అంటున్నారు. మరి.. ఆ చిట్కాలేంటో తెలుసుకుందామా...

* టేబుల్ సాల్ట్ - మస్టర్డ్ ఆయిల్ : ఒక పాత్రలో కొద్దిగా ఆవనూనె తీసుకుని అందులో కాస్త ఉప్పు వేసి బాగా కలుపుకోవాలి. ఈ మిశ్రమాన్ని చిగుళ్ళ మీద అప్లై చేయాలి. ఆ తర్వాత సున్నితంగా మసాజ్ చేయాలి. ఇలా రెగ్యులర్ గా చేస్తే.. చిగుళ్ళ బలంగా తయారవడంతోపాటు దంతాలు వదులవ్వకుండా వుంటాయి.

* బ్లాక్ పెప్పర్ - పసుపు : ముందుగా పెప్పర్ ను పౌడర్ గా తయారుచేసుకుని.. అందులో కొద్దిగా పసుపు వేసి బాగా మిక్స్ చేయాలి. ఈ మిశ్రమాన్ని చిగుళ్ళ మీద మసాజ్ చేయాలి. 30 నిముషాల తర్వాత భోజనం చేయాలి. ఇలా చేస్తే.. చిగుళ్ళు వాపు తగ్గి.. అవి బలోపేతం అవుతాయి. దంతాలు కూడా వదలవ్వకుండా ఉంటాయి.

* ఉప్పు నీరు : ఒక గ్లాసు నీళ్లు తీసుకుని అందులో కొద్దిగా ఉప్పు వేసి బాగా కలుపుకోవాలి. ఈ నీటిని నోట్లో పోసుకొని పుక్కలిస్తుండాలి. ఇలా చేయడం వల్ల ఓరల్ ఇన్ఫెక్షన్ దూరమవుతుంది. ఉప్పులో యాంటీ సెప్టిక్ లక్షణాలు పుష్కలంగా ఉన్నాయి. ఇది చిగుళ్ళను స్ట్రాంగ్ గా మార్చడంతోపాటు దంతాలు వదలవ్వకుండా చేస్తుంది.

* ఆమ్లా ఫ్రూట్ జ్యూస్ : విటమిన్ సి అధికంగా ఉండే ఆమ్లా ఫ్రూట్ జ్యూస్ చిగుళ్ళ వాపును, దంతాల అతుక్కొని ఉన్న కణజాలాలను వాపును నివారించడానికి సహాయపడుతుంది. ఆమ్లా జ్యూస్ తో ప్రతి రోజూ నోటిని శుభ్రం చేసుకోవాలి. ఈ జ్యూస్ రెగ్యులర్ గా ఆరోగ్యపరంగా ఎన్నో ప్రయోజనాలు కూడా కలుగుతాయి.

* లవంగం నూనె : దంతాల నొప్పిని, ఇన్ఫ్లమేషన్ తగ్గించుకోవడానికి ఇది ఎఫెక్టివ్ హోం రెమెడీ. చిగుళ్ళ మీద లవంగం నూనెతో మసాజ్ చేయడం వల్ల చిగుళ్ళ వాపు, నొప్పి రెండూ నివారించబడుతాయి. ఇది దంతాలు వదలవ్వకుండా నేచురల్ గా తగ్గిస్తుంది.