Posted: 01/15/2013 04:59 PM IST

        కొత్త ఏడాదిలో తన తాజా చిత్రం 'సీతమ్మ వాకిట్లో సిరిమల్లె చెట్టు' చిత్రంతో ఘన విజయాన్ని సాధించటంతో సమంతా ఆనందానికి అవధుల్లేవు. ఈ ఆనందాన్ని ఆమె ట్విట్టర్ ద్వారా తన అభిమానులతో పంచుకుంది. ఈ సినిమాలో తాను పోషించిన 'గీత' పాత్రకు ప్రేక్షకుల నుంచి మంచి రెస్పాన్స్ వచ్చిందనీ ... ఇది తనకు మరిచిపోలేని అనుభూతిని ఇచ్చిందని వెల్లడించింది. 'దూకుడు' తరువాత మహేష్ బాబు జోడీగా చేసిన ఈ సినిమా కూడా సంచలన విజయాన్ని సాధించిన తీరు తన కెరియరులో ఓ మైలురాయిగా నిలిచిపోతుందని అంటోంది.
     అంతేకాదు, తమ ఇమేజ్ పక్కన పెట్టి వెంకటేష్ - మహేష్ బాబు ఈ సినిమా చేయడానికి అంగీకరించడం నిజంగా చాలా గొప్ప విషయమనీ, అందుకు వాళ్లకు తాను హ్యాట్సాఫ్ చెబుతున్నానని అంటోంది. ఇక ఇంత పెద్ద రిస్క్ తీసుకున్న దర్శక నిర్మాతలను ఈ సందర్భంగా తాను అభినందిస్తున్నానని చెప్పుకొచ్చింది.    
            సమంతా త్వరలో పవన్ కళ్యాన్  తొలిసారి... ఎన్టీఆర్ తో రెండోసారీ యాక్ట్ చేయబోతోంది.

...avnk