Posted: 12/20/2012 06:13 PM IST

       'ఉల్లాసంగా ఉత్సాహంగా' చిత్ర హీరో యశోసాగర్‌ రోడ్డు ప్రమాదంలో మృతి చెందటాన్ని అటు కన్నడ చిత్రసీమ, ఇటు టాలీవుడ్ జీర్ణించుకోలేకపోతోంది. మొగ్గలోనే చిదిగిపోయిన సాగర్ మరణ వార్త విని అయ్యో పాపం అనని వారు లేరు. శోకతప్త హ్రుదయంతో సాగర్ కు అంత్యక్రియలు నిర్వహించారు. ఇరు పరిశ్రమలకు చెందిన పలువురు ప్రముఖులు ఈ అంతిమయాత్రలో పాల్గొన్నారు. నిన్న తెల్లవారుజామున 4గంటలకు కర్నాటక రాష్ట్రం తుముకూరు జిల్లా బుక్కపట్నం, శివార ప్రాంతాల్లో ఈ ఘటన జరిగితే, ఇప్పటికీ అక్కడి ప్రజలు భీతావహులై ఉన్నారు. ఆ ద్రుశ్యాలను వారంతా ఓ పీడకలగా అభివర్ణిస్తున్నారు.

    కాగా, ఈ ఘటన గురించి పోలీసుల విచారణ ముగిసింది. పోలీస్ వివరాల ప్రకారం.. ‘హైదరాబాద్‌ వచ్చేందుకు విమానం అందకపోవడంతో స్నేహితునితో కలిసి సాగర్ కారులో బయలుదేరారు. యశోతోపాటు డ్రైవర్‌ విశ్వనాథ్‌, లోకేష్‌ అనే వ్యక్తికూడా కారులో ప్రయాణిస్తున్నారు. ప్రమాదం జరిగినప్పుడు డ్రైవర్‌ విశ్వనాథ్‌ కారు నడుపుతున్నాడు. విశ్వనాథ్‌ నిద్రలోకి జారుకున్నాడనీ, దీంతో కారు అదుపుతప్పి వంతెనకు ఢకొట్టడంతో ప్రమాదం జరిగింది’అని పోలీసులు తమ నివేదికలో పేర్కొన్నారు.

..avnk