గుండెపోటుకు చెక్ పెట్టే శృంగారం

Posted: 08/20/2015 04:02 PM IST

ప్రస్తుత పోటీ ప్రపంచంలో సమయం లభించకపోవడం వల్ల చాలామంది తమ ఆరోగ్య విషయమై అంతగా జాగ్రత్తలు తీసుకోలేకపోతున్నారు. దీంతో చాలామంది రకరకాల వ్యాధుల బారిన పడుతున్నారు. ముఖ్యంగా ప్రైవేట్ కార్యాలయాల్లో పనిచేసే ఉద్యోగులు నిత్యం కుర్చీ మీదే కూర్చుండిపోతారు. కనీసం లేచి నిలవడానికి కూడా వీలుండనంతగా పని వుంటుంది. అలాగే కూర్చుండి పనిచేయడం వల్ల విపరీత ఆరోగ్య పరిణామాలను ఎదుర్కోవలసి వస్తుంది. పైగా.. వ్యాయామం చేసే టైమ్ కూడా దొరకదు. దీంతో గుండె సంబంధిత వ్యాధులు తలెత్తే అవకాశమూ లేకపోలేదని వైద్య నిపుణులు అంటున్నారు.

సమయం లేక వ్యాయామం చేయలేని వారు వ్యాధుల బారిన పడకుండా ఆరోగ్యంగా వుండాలంటే.. శృంగారంలో పాల్గొంటే చాలని నిపుణులు సూచిస్తున్నారు. దంపతులు వీలున్నప్పుడల్లా శృంగారంలో పాల్గొంటే, అది వ్యాయామం చేసినట్లే అవుతుందని.. దాంతో గుండె జబ్బుకు దూరంగా వుండవచ్చునని వైద్యులు హితవు పలుకుతున్నారు. ఒక రకమైన భంగిమలో కాకుండా వివిధ రకాల పద్ధతుల్లో కిందామీద పడుతూ శృంగారంలో పాల్గొంటే ఇంకా మంచిదని వారంటున్నారు. భార్యాభర్తలు సిగ్గులేకుండా, అవధులు దాటి విచ్చలవిడిగా రతిక్రీడలో పాల్గొంటే.. పూర్తి భావప్రాప్తి పొందడమే కాకుండా ఆరోగ్యపరమైన ప్రయోజనాలను ఎన్నో పొందవచ్చునని చెబుతున్నారు.

రతిక్రీడ శరీరంలోని కొవ్వును పూర్తిగా కరిగించకపోయినా.. ఆరోగ్యవంతమైన గుండెను ప్రసాదిస్తుందని వారు స్పష్టం చేస్తున్నారు. పైగా సుఖమైన లైంగిక జీవితం ఆత్మవిశ్వాసాన్ని ఇనుమడింపజేస్తుందని, రక్తపోటు తగ్గించటానికి బాగా ఉపయోగపడటమే రతిక్రీడ వల్ల కలిగే ప్రధాన ప్రయోజమని సెక్స్ నిపుణుల అభిప్రాయంగా ఉంది. రతి చర్యలు ఆనందాన్ని కలిగించే హర్మోన్ల విడుదలకు సహకరించి ఒత్తిడిని దూరం చేస్తాయి. శక్తిని అధికం చేసి మనోభావాల్లో పూర్తిగా మార్పులు తెస్తాయని వారు చెపుతున్నారు. కాబట్టి.. దంపతులు ఎప్పుడు వీలుపడితే అప్పుడు శృంగారంలో పాల్గొనడం శ్రేయస్కరం.