దాంపత్య జీవితం సాఫీగా సాగాలంటే..

Posted: 05/27/2015 01:57 PM IST

పెళ్లి.. స్త్రీ, పురుషుల జీవితానికి పరిపూర్ణత చేకూర్చే అపురూపమైన బంధం. కలకాలం ఒకరికొరు తోడుగా వుంటూ సంతోషంగా జీవించేందుకు అదొక సర్టిఫికెట్ లాంటిది. అంతేకాదు.. ఇద్దరి జీవితాలు సుఖమయంగా కొనసాగడానికి ఈ పెళ్లి ఓ ఐడి కార్డ్ లాంటిది. అయితే.. ప్రస్తుత బిజీ ప్రపంచంలో దంపతులు మునిగిపోవడంతో ఆ కార్డుకు అంతగా గుర్తింపు లేకపోయింది. వారు తమ దాంపత్య జీవితాన్ని సుఖంగా సాగించలేకపోతున్నారు. అంటే.. శృంగార రుచిని మరగలేకపోతున్నారు. ఇలాంటివారి దాంపత్య జీవితం సాఫీగా సాగిపోవాలంటే.. శృంగారంలో భావప్రాప్తి పొందాలంటే.. సెక్సాలజిస్టులు కొన్ని చిట్కాలు ఇస్తున్నారు. అవేంటంటే..

* స్నేహాన్ని మించిన బంధం ఈ ప్రపంచంలో మరొకటి లేదని అందరూ భావిస్తారు. భాగస్వామితోనూ అటువంటి స్నేహబంధాన్నే ఏర్పరుచుకోవాలి. నిత్యం తోడుగా నేనున్నాను అన్న భావన భాగస్వామిలో కలిగించాలి. అప్పుడే.. ఇద్దరి మధ్య వుండే విభేదాలు పూర్తిగా తొలిగి.. అన్యోన్యంగా తమ జీవితాన్ని కొనసాగించవచ్చు. అలాగే.. శృంగార కార్యకలాపాలు ప్రతిరోజూ కొనసాగిస్తే.. వారి బంధం మరింతగా బలపడుతుంది.

* భాగస్వామితో ప్రతి విషయాన్ని చర్చించుకోవాలి. ఏ అంశాలను దాచుకోకుండా ఇరువురు మనసు విప్పి పంచుకోవాలి. అలాకాకుండా ఏవైనా దాచుకుంటే మాత్రం.. అవి ఇరువురి మధ్య అనుమానాలకు, మన:స్పర్థలకు దారి తీసే ప్రమాదం వుంది. తద్వారా ఈ వ్యవహారం విడాకుల దాకా వెళ్లొచ్చు. కాబట్టి.. మనసులో ఏ విషయం దాచుకోకుండా తెరిచిన పుస్తకంలా భాగస్వామితో పంచుకుంటే.. ఇద్దరి జీవితం సాఫీగా సాగుతుంది.

* దంపతుల మధ్య ఏకాధిపత్యం వుండకూడదు. ఇద్దరూ సమానంగా వుంటూ తమతమ మనస్తత్వాలను వ్యక్తపరుచుకుని, అందుకు అనుగుణంగా ఇద్దరూ నడుచుకోవాలి. అలాకాకుండా భాగస్వామి ఎంపికలను తప్పుపడితే.. ఇద్దరి మధ్యా విభేదాలు పెరిగి.. తమ దాంపత్య జీవితాన్ని చేజేతులా పాడుచేసుకున్నవారు అవుతారు. కాబట్టి.. ఇద్దరూ ఏకతాటిపైనే వుంటూ.. తమతమ భావనలను వ్యక్తపరుచుకోవాలి.

* ప్రేమ.. ఇరువురిని చైతన్యపరిచే శ్రేయోభిలాషి. భాగస్వామితో ఈ విధంగా ప్రేమ చిగురిస్తే.. వారు కూడా అదేవిధంగా తమ ప్రేమను చూపుతారు. తద్వారా ఇద్దరూ తమ దాంపత్య సుఖాన్ని పొందవచ్చు. పడకగదిలో కూడా తమకిష్టమైన భంగిమల్లో పాల్గొంటూ శృంగారకార్యాన్ని కొనసాగిస్తే.. భాగస్వామి భావప్రాప్తి పొందడంతోపాటు భర్తలను పూర్తి ఆనందింపజేస్తారు.