శృంగారంలో ఏకాగ్రతను పెంచే యోగా

Posted: 05/25/2015 01:26 PM IST

యోగా.. ఆరోగ్యాన్ని మెరుగుపరిచే ఓ దివ్యౌషధం! ఇదే యోగా శృంగార జీవితానికి కూడా ఓ మంచి ఔషధంలా పనిచేస్తుందని నిపుణులు అంటున్నారు. సెక్స్‌కు సంబంధించిన సమస్యలను యోగానుంచి పరిష్కరించుకోవచ్చునని యోగా గురువులు సూచిస్తున్నారు. యోగా అనేది ఆధ్యాత్మికంతోబాటు సెక్స్ జీవితానికికూడా మంచి ఔషధం లాంటిది. ఈ రెండింటి మధ్య సమతుల్యమైన ఫలితాలుంటాయని వారు చెబుతున్నారు.

‘యోగా అంటేనే జోడించడం. అంటే కలపడం అని దాని అర్థం. యోగా శరీరాన్ని, ఆత్మను ఏకీకృతం చేస్తుంది. శరీరంలో ఏదైనా లోపం కలిగి అశాంతిగా వుంటే.. మనిషి ప్రగతిని సాధించలేడు. మీకు మీరు చేరుకోవడానికి మీ శరీరమే ఆధారం. అంటే మీ శరీరం మీకు సహకరిస్తే మీరు ఎలాంటి పనైనాకూడా తక్షణమే చేయగలరు’ అని వారు చెబుతున్నారు.యోగా అనేది దంపతులకు మంచి దివ్యౌషధంలాంటిది. ఈ యోగా దాంపత్య జీవితంలో నూతనోత్సాహం పెంపొందించడంలో ఎంతో సహకరిస్తుంది. యోగాలో ‘పద్మాసనమే’ ఎంతో ముఖ్యమంటున్నారు యోగా నిపుణులు.

ధ్యాన ముద్రలో చేసే ఆసనం పద్మాసనం. ఇది ఆరోగ్యానికి ఎంతో లాభదాయకం. మనస్సును కేంద్రీకృతం చేసి ఏకాగ్రతతో ధ్యానం చేయడం వల్ల.. దంపతులిద్దరూ సెక్స్‌లో అమితానందాన్ని పొందవచ్చునని యోగా గురువులు అంటున్నారు. దీంతో ఒకరిపై మరొకరికి మంచి నమ్మకం ఏర్పడుతుంది. ‘పద్మాసనం’లో శరీరంలోని కండరాలు, ఉదరం, మూత్రాశయం, మోకాళ్ళు, వెన్నెముకలు పటిష్టంగా తయారవుతాయి. దీంతో ఎల్లప్పుడు ఆరోగ్యంగావుంటారు. కాబట్టి నిత్యం ఉత్సాహంగా, ఉల్లాసంగా సెక్స్ జీవితాన్ని గడపగలరని యోగా గురువులు అంటున్నారు.