రెగ్యులర్ సెక్స్ చేయండి.. దీర్ఘాయుష్షు పొందండి!

Posted: 05/16/2015 07:18 PM IST

దంపతులు రెగ్యులర్ లో సెక్సులో ఉపక్రమిస్తే.. మెరుగైన ఆరోగ్యాన్ని పొందడంతోపాటు దీర్ఘాయుష్షును పొందుతారని సెక్స్ నిపుణులు అంటున్నారు. పడకగదిలో సెక్స్ సుఖాన్ని అనుభవించిన జంటల్లో శరీరాన్ని పటిష్టపరిచే హార్మోన్లు ఎక్కువ మోతాదులో విడుదల అవుతాయి. ఈ హార్మోన్ల వల్ల శరీరానికి కొత్త శక్తి అందుతుంది. తద్వారా ఇతర కార్యకలాపాల్లోనూ చురుకుగా పాల్గొంటారు. మెదడు ఫ్రెష్ గా వుంటుంది. అయితే ఆధునిక ప్రపంచంలోని జంటలు నిత్యం పనుల్లోనే మునిగిపోవడం వల్ల తమ కామవాంఛను తీర్చుకోలేకపోతున్నారు. దీంతో వారిమధ్య విభేదాలు రావడంతోపాటు ఆరోగ్య సమస్యలు కూడా తలెత్తుతాయని అంటున్నారు.

అలాకాకుండా జంటలు రోజూ సెక్సులో పాల్గొంటే మంచి ప్రయోజనాలను పొందుతారని నిపుణులు చెబుతున్నారు. ఈ కామశాస్త్రం సెక్స్ వల్ల ఎన్నో లాభాలు ఒనగూరుతాయని నిపుణులు వెల్లడిస్తున్నారు. ఇంతకీ ఆ లాభాలేంటో తెలుసుకుందామా..

* ప్రశాంతమైన జీవితానికి సెక్స్ : దాదాపు అన్ని అనారోగ్యాలను అదుపులో పెట్టగల శక్తి సెక్స్‌కు ఉంది. కనీసం వారంలో ఒక్కసారి సెక్స్‌లో పాల్గొనే వారిలో అనారోగ్య సమస్యలు చాలా అరుదుగా తలెత్తుతాయంటున్నారు. సెక్స్‌లో రెగ్యులర్‌గా పాల్గొనే వారిలో క్యాలరీల ఖర్చు అధికమవుతుంది. ఫలితంగా అధిక బరువు, ఇతర సమస్యలు తలెత్తవు. అదేవిధంగా జీర్ణశక్తి బాగా మెరుగవుతుంది. గాఢమైన నిద్ర పడుతుంది. ఒత్తిడి, చికాకులన్నీ దూరమై ప్రశాంతమైన జీవనాన్ని అందిస్తుంది.

* నొప్పి నివారిణి సెక్స్ : తలనొప్పి, పార్శ్వనొప్పి వంటి వాటికి సెక్స్ ఔషధంగా పనిచేస్తుందని నిపుణులు విశదీకరిస్తున్నారు. సెక్స్‌లో భావప్రాప్తి దశకు చేరుకునే ముందు ఆక్సిటోసిన్ హార్మోన్ స్థాయి ఐదు రెట్లు పెరుగుతుంది. దీంతో ఎండార్ఫిన్లు విడుదలై తలనొప్పి, ఇంకా ఇతర నొప్పులను పారదోలతాయి.

* రోగ నిరోధక శక్తిని పెంచే సెక్స్: వారంలో రెండు లేదా మూడుసార్లు సెక్స్‌లో పాల్గొనే జంటల్లో రోగనిరోధక శక్తి అధికమవుతుంది. దీంతో వారు తేలికగా శరీరంలోకి చొరబడే జలుబు, ఫ్లూ కారక వైరస్‌లను అడ్డుకునే శక్తిని కలిగి ఉంటారు.