విభజనపై కేంద్ర -నష్టం జరగకుండా చూసుకుంటుంది

Posted: 10/07/2013 11:30 AM IST

Congress playing political drama babu and high command decision digvijay

రాష్ట్ర విభజనపై కేంద్రం వైఖరి సరిగాలేదని తెలుగుదేశం పార్టీ అధినేత చంద్రబాబు నాయుడు అన్నారు. ఢిల్లీ దీక్షకు బయలుదేరే ముందు ఈరోజు నెక్లెస్ రోడ్డులోని ఎన్టీఆర్ ఘాట్ లో ఎన్టీఆర్ కు నివాళులర్పించిన అనంతరం ఆయన మీడియాతో మాట్లాడారు. కాంగ్రెస్ పార్టీ కేవలం రాజకీయ లబ్ధికోసమే విభజన ప్రక్రియను ముందుకు తీసుకెళ్తోందని విమర్శించారు. ప్రజాస్వామ్యంలో సంప్రదింపుల ద్వారా నిర్ణయాలు తీసుకోవాలని సూచించారు. విభజనను వ్యతిరేకిస్తూ 70 రోజులుగా సీమాంధ్రలో ఉద్యమం జరుగుతున్నా కేంద్ర ప్రభుత్వం పట్టించుకోవడం లేదన్నారు. తెలుగు జాతి విధ్వంసానికి కుట్ర జరుగుతోందని ఆరోపించారు. విభజనపై కేంద్రం దిగివచ్చే వరకు దీక్ష చేస్తానని చంద్రబాబు తెలిపారు.

నష్టం జరగకుండా కేంద్రం చూసుకుంటుంది'

సీమాంధ్ర ప్రజలకు ఎలాంటి నష్టం జరగకుండా కేంద్ర ప్రభుత్వం చూసుకుంటుందని రాష్ట్ర వ్యవహరాల ఇన్ చార్జి దిగ్విజయ్ సింగ్ పేర్కొన్నారు. హైదరాబాద్ తో పాటు తెలంగాణ లో ఉండే సీమాంధ్ర ప్రజల రక్షణకు కేంద్ర ప్రభుత్వం గట్టి చర్యలు తీసుకుంటుందని ఆయన పేర్కొన్నారు. జగన్, చంద్రబాబు దీక్షల వల్ల ఉపయోగం లేదని, ఇలాంటి సమస్యలు చర్చల ద్వారానే పరిష్కారమవుతాయని ఆయన అన్నారు. తెలంగాణపై తీర్మానం అసెంబ్లీకి వస్తుందని, అధిష్టానం ఏ నిర్ణయం తీసుకున్నా కట్టుబడి ఉంటానని ముఖ్యమంత్రి కిరణ్ కుమార్ రెడ్డి చెప్పారని ఆయన అన్నారు.