సీటీలో భారీ వర్షం- సిఎం పక్షపాతి-సమ్మెను కొనసాగిస్తాం

Posted: 09/16/2013 06:28 PM IST

Harish rao fires on cm kiran participate in seemandhra strike ashok babu

నగరంలో ఈరోజు మధ్యాహ్నం కురిసన భారీ వర్షానికి జనజీవనం స్తంభించింది. పలు ప్రాంతాల్లో ట్రాపిక్ ఎక్కడికక్కడ నిలిచిపోయింది. దీనితో వాహనదారులు, పాదాచారులు తీవ్ర ఇక్కట్లకు గురయ్యారు. లోతట్టు ప్రాంతాలు జలమలమయ్యాయి. లకడికపూల్, కోఠి, దిల్ సుఖ్ నగర్, సికిందరాబాద్ తదితర ప్రాంతాల్లో ట్రాఫిక్ స్తంభించింది. గంటల తరబడి వాహనాలు బారులు తీరి నిలబడిపోయాయి. ఇదిలా ఉంటే రాజేంద్రనగర్ పిల్లర్ నెంబర్ 190 వద్ద భారీగా ట్రాఫిక్ స్తంభించింది. వర్షానికి సగానికి కార్లు, బైక్ లు మునిగిపోయాయి. అధికారులు ఎవరూ స్పందించకపోవడంతో వాహనదారులు పలు ఇబ్బందులను ఎదుర్కొన్నారు.

సిఎం పక్షపాతి

సిఎం కిరణ్ కుమార్ రెడ్డి తెలంగాణపై పక్షపాత ధోరణితో వ్యవహరిస్తున్నారని టిఆర్ ఎస్ ఎమ్మెల్యే హరీష్ రావు ఆరోపించారు. హైదరాబాద్ లోని తెలంగాణ భవన్ లో ఆయన మీడియాతో మాట్లాడారు. సిఎం బొమ్మను రేషన్ కార్డులపై ముద్రించే విషయంపై చర్చ జరుగుతుండడంతోనే రేషన్ కార్డుల జారీలో జాప్యం జరుగుతుందని పేర్కొన్నారు. తెలంగాణ ద్రోహుల బొమ్మలను రేషన్ కార్డులపై ముద్రించడానికి వీళ్లేదని అన్నారు. సిఎం కిరణ్ రాష్ట్ర పాలనను మరచి తెలంగాణ ప్రత్యేక రాష్ట్రాన్ని అడ్డుకోవడమే ప్రధాన లక్ష్యంగా పెట్టుకున్నారని విమర్శించారు. మొదటి విడతలో ఇచ్చిన కూపన్లకు ఇప్పటివరకూ రేషన్ కార్డులను జారీ చేయలేదని తెలిపారు. తెలంగాణ ఉద్యమ సమయంలో పోలీసుల రక్షణతో తెలంగాణ ప్రాంతంలో రచ్చబండ ఏర్పాటు చేసిన సిఎం ఇప్పుడెందుకు నిర్వహించడం లేదన్నారు. రాష్ట్రంలో ఏడో విడత భూపంపిణీ కార్యక్రమాన్ని ఎందుకు చేపట్టడం లేదని ప్రశ్నించారు.

సమ్మెను కొనసాగిస్తాం

సమ్మెను కొనసాగిస్తామని ఏపీఎన్జీవో అధ్యక్షుడు అశోక్ బాబు తెలిపారు. ఉద్యోగ జెఎసి ఆధ్వర్యంలో సమావేశం నిర్వహించి తమ భవిష్యత్తు కార్యాచరణను ప్రకటించనున్నట్లు చెప్పారు. సమ్మె స్వరూపాన్ని మార్చి కేంద్ర ప్రభుత్వంపై ఒత్తిడి మరింత పెంచే అవకాశాన్ని పరిశీలిస్తున్నామన్నారు