Posted: 01/31/2013 03:49 PM IST

      ‘పద్మభూషణ్‌ కన్నా ఉన్నతమైన గౌరవపురస్కారాన్ని ఆశించాను. ఈ అభిప్రాయాన్ని వెలిబుచ్చాక, అనేక ఫోన్‌ కాల్స్‌ సన్నిహితుల నుంచీ, హితుల నుంచీ వస్తున్నాయి. వారు నా మాటను బలపరుస్తున్నారు. అభిప్రాయాన్ని సమర్థించారు. ఇదే పురస్కారాన్ని ఇంకా ముందు అందజేయాల్సింది. దక్షిణాది వారు నిర్లక్ష్యానికి గురవుతున్నారన్న విషయాన్ని ఎంతోమంది అంటున్నారు. దీన్ని నేను ఆపలేను కదా’ ఇవీ.. ప్రముఖ గాయని ఎస్‌.జానకి మళ్లీ చేసిన పునరుద్ఘాటన.
       కేంద్ర ప్రభుత్వం ఇటీవల ఆమెకు పద్మభూషణ్‌ ప్రకటించిందన్న విషయం తెలిసిందే. దీనిపై ఆమె తీవ్ర అసంతృప్తి వ్యక్తం చేశారు. దేశానికి అత్యున్నత సేవలు అందించినవారికి 'భారతరత్న' ఇవ్వాలి. దక్షిణాదిలో ఈ పురస్కారాన్ని అందుకునే అర్హత ఉన్నవారు ఎంతోమంది ఉన్నారు. యం.ఎస్‌.విశ్వనాథన్‌, ఇళయరాజా, శివాజీ గణేషన్‌..వంటి ప్రముఖులు అందు కోవాల్సింది. ప్రభుత్వం నిర్లక్ష్యం చేసింది. పద్మఅవార్డ్సుగానీ, భారతరత్నగానీ ఇవ్వాలి అని చెప్పే దక్షిణాది గ్రూప్‌ చాలా తక్కువ. బాపు, పి.లీలా వంటి వారు తమ తమ రంగాల్లో చెరగిపోలేని ముద్ర వేశారు. వారు ఈ గౌరవాన్ని ఎప్పుడో అందుకోవాల్సింది. అందుకే నేను బలంగా చెప్పేదేంటంటే..దీనిపై ఎవరో ఒకరు ఏదో ఒకటి చేయాలి. అని జానకి తన మనోవేదనను వెళ్లబెట్టారు.

...avnk