Posted: 12/31/2012 04:12 PM IST

        

       2012 సంవత్సరానికి వీడ్కోలు చెప్పే సమయంలో యువత మితిమీరి ప్రవర్తించకుండా కళ్లెం వేసే పనిలో ఉంది సిటీ పోలీస్ విభాగం. ఇందులో భాగంగా ఎక్కడా అవాంఛనీయ ఘటనలు జరగకుండా పోలీసులు గట్టి బందోబస్తు ఏర్పాట్లు చేస్తున్నారు. హద్దు దాటే వారికి కళ్లెం వేసేందుకు పలుచోట్ల ఆంక్షలు విధించారు. ఇతరులకు ఇబ్బంది కలగకుండా వేడుకలు జరుపుకోవాలని, మద్యం తాగి వాహనాలో నడపడం, మితిమీరిన వేగం, పరిమితికి మించి వాహనాలపై ప్రయాణం కూడదని కొత్వాల్ అనురాగ్ శర్మ తెలిపారు. అంతేకాక, స్పెషల్ డ్రైవ్‌లు నిర్వహిస్తామని, ఉల్లంఘనలకు పాల్పడితే చర్యలు తప్పవని హెచ్చరించారు.

           సోమవారం రాత్రి 10 నుంచి తెల్లవారుజాము 2 గంటల వరకు ఎన్టీఆర్ మార్గ్, నెక్లెస్‌రోడ్, అప్పర్ ట్యాంక్‌బండ్‌లపై వాహనాల ప్రవేశం నిషిద్ధం. సచివాలయం పక్కనున్న మింట్ కాంపౌండ్ లైన్‌ను పూర్తిగా మూసివేత. వీవీ స్టాట్యూ నుంచి నెక్లెస్‌రోడ్, ఎన్టీఆర్ మార్గ్ వైపు వెళ్లే వాహనాలను ఖైరతాబాద్, రాజభవన్ మీదుగా మళ్లిస్తారు. బీఆర్‌కే భవన్ నుంచి ఎన్టీఆర్ మార్గ్ వచ్చే ట్రాఫిక్‌ని ఇక్బాల్ మీనార్, లక్డీకాపూల్, అయోధ్య జంక్షన్ వైపు పంపుతారు. లిబర్టీ జంక్షన్ నుంచి సికింద్రాబాద్ వైపు వెళ్లే ట్రాఫిక్‌ని జీహెచ్‌ఎంసో కార్యాలయం నుంచి బీఆర్‌కే భవన్, ఇక్బాల్ మీనార్, రవీంద్రభారతి, లక్డీకాపూల్, అయోధ్య జంక్షన్ మీదుగా మళ్లిస్తారు. ఖైరతాబాద్ మార్కెట్ నుంచి నెక్లెస్ రోటరీ వైపు వచ్చే వాహనాలను మీరా టాకీస్ లైన్ మీదుగా పంపుతారు. నల్లగుట్ట రైల్వే బ్రిడ్జి వైపు నుంచి వచ్చే వాహనాలను సంజీవయ్య పార్క్, నెక్లెస్‌రోడ్ పైకి పంపరు. వీటిని కర్బాలా మైదా న్, మినిస్టర్స్ రోడ్ మీదుగా పంపిస్తారు. సికింద్రాబాద్ వైపు నుంచి వచ్చే ట్రాఫిక్‌ను సెయిలింగ్ క్లబ్ నుంచి కవాడిగూడ చౌరస్తా, లోయర్ ట్యాంక్‌బండ్, కట్టమైసమ్మ టెంపుల్, అశోక్‌నగర్, ఆర్టీసీ క్రాస్ రోడ్ వైపు మళ్లిస్తారు. ఇంకా.. నగరంలోని అన్ని ఫ్లైఓవర్లపై రాకపోకల్ని నిషేధించారు

...avnk