Posted: 05/23/2012 12:41 PM IST

నగరంలోని అన్ని ప్రధాన రైల్వే స్టేష న్లలో లిప్ట్ లు, ఎస్కలేటర్లు అందుబాటులోకి రానున్నాయి. అత్యాధునిక సాంకేతిక పరిజ్ఞానంతో రూపొందించే వీటిని సికిం ద్రాబాద్, నాంపల్లి, కాచిగూడ స్టేషన్లలో ఏర్పాటు చేసేందుకు రైల్వే శాఖ పనులు ముమ్మరం చేసింది. మరో రెండు నెలల్లో ఇవి అందుబాటులోకి రానున్నాయి. ఈ పనులు పూర్తయితే లక్షలాదిమంది ప్రయాణికులకు ఎంతో సౌకర్యవంతంగా ఉంటుంది. ప్రస్తుతం ఒక ఫ్లాట్‌ఫాం నుంచి మరో ఫ్లాట్‌ఫాంకు వెళ్లాలంటే వంతెనలు ఎక్కి దిగాల్సి వస్తోంది. దీనివల్ల లగేజీ ఉన్నవారు, వృద్ధులు, పిల్లలు తీవ్ర ఇబ్బందులు పడుతున్నారు. కొందరు గ బగబా ఎక్కలేక రైలు మిస్సయిన సందర్భాలు నిత్యం కనిపిస్తూ నే ఉంటాయి. వీటన్నింటినీ దృష్టిలో పెట్టుకుని రైల్వే అధికారు లు ఈ పనులు చేపట్టారు. పది ఫ్లాట్‌ఫాంలున్న సికిం ద్రాబాద్‌లో రెండు లిఫ్ట్‌లు, 7 ఎస్కలేటర్లు ఏర్పాటు చేస్తున్నారు.