టీనేజ్ కోసం తహతహలాడుతున్న సెక్సీ నటి

Posted: 04/09/2015 02:44 PM IST

టీనేజ్... ప్రతిఒక్కరి జీవితంలో వచ్చే ఈ వయస్సు ఎన్నో మధురానుభూతుల్ని మిగుల్చుతుంది. ఇటువంటి సమయంలో ఎన్ని ఒడిదుడుకులున్నా ఎవ్వరూ పట్టించుకోరు. ఒక్కమాటలో చెప్పాలంటే.. అదొక స్వేచ్ఛాజీవితం! అటువంటి జీవితాన్ని ఆస్వాదించాలని ప్రతిఒక్కరు అనుకుంటారు. ఆ టీనేజ్ అనుభవాన్ని దాటిన చాలామంది ఇలాగే అనుకుంటున్నారు. ఇప్పుడు ఆ అనుభవంలోకి తిరిగి వెళ్లాలని 26 ఏళ్ల హాలీవుడ్ నటి రూమర్ విలిస్ తెగ ఆరాటపడిపోతోంది.

బ్రూస్ విలిస్, డేమీ మూర్ ల కుమార్తె అయిన రూమర్.. నటనాపరమైన తన కెరీర్ లో దూసుకుపోతోంది. తన అందంతో కుర్రకారుల మతుల పోగొడుతూ విపరీతమైన క్రేజ్ సంపాదించుకుంది. అగ్రతారల సరసన తనకంటూ ప్రత్యేక గుర్తింపు తెచ్చుకుంది. అయితే.. ఆ క్రేజే ఈ అమ్మడికి కాస్త తలనొప్పిగా మారిందట! తనకున్న క్రేజ్ ని చూస్తుంటే ఆమెకు తిరిగి టీనేజ్ అనుభవంలోకి వెళ్లాలని ఆశిస్తోంది. అంతేకాదు.. తన ఈ కోరిక వెనుక ఓ బలమైన కారణముందని అమ్మడు పేర్కొంటోంది.

ఈ క్రమంలోనే రూమర్ మాట్లాడుతూ.. ‘మనం వెలుగులోకి వచ్చిన తర్వాత మన చుట్టూ చోటు చేసుకునే పరిస్థితులను భరించడం నిజంగా చాలా కష్టం. అదే నేను టీనేజ్ లో ఉన్నప్పుడు అటువంటి ఇబ్బందులు ఏమీ లేవు. ప్రస్తుతం ఉన్న నా శరీరాకృతి నాకు అనుకూలంగా ఉందని అనిపించడం లేదు. మా నాన్న, అమ్మ కూడా విస్తు గొలిపే అందంతో ఉంటారు. నాకు కూడా నిగారింపుతో కూడిన అందం కావాలని అనుకుంటున్నా. గత కొన్ని సంవత్సరాల నుంచి  ఆ కోరిక మరింత బలంగా ఉంది. అందుకే.. నా ముఖానికి ప్లాస్టిక్ సర్జరీ చేయించుకోవాలని ఉంది. అది నా వయసును టీనేజ్ లోకి తీసుకువెళుతుందో లేదో అనేది మాత్రం కచ్చితంగా తెలియదు’ అని అంటోంది రూమర్ విలిస్.

AS