‘ఉత్తమ స్త్రీవాది’గా గుర్తింపు పొందిన ఏంజెలీనా జోలీ

Posted: 03/30/2015 03:15 PM IST

Angelina jolie crowned worlds top feminist icon

మాజీ విశ్వసుందరి, దర్శకురాలు ఏంజెలీనా జోలీ తాజాగా ఓ అరుదైన ఘనతను సాధించింది. గతకొన్నాళ్ల నుంచి సినిమాలకు దూరంగా వుంటున్న ఈ అమ్మడు.. ఐక్యరాజ్యసమితి ప్రత్యేక రాయబారిగా పనిచేస్తోంది. అలాగే మహిళలపై జరుగుతున్న అత్యాచారాలకు వ్యతిరేకంగా నిర్విరామంగా ప్రచారం చేస్తూ వస్తోంది. ఇలా మహిళలకు పోరాడుతున్నందుకు ఈమె ఈ ఏడాది బ్రిటన్ ‘ఫెమినిస్ట్ ఐకాన్’ గా గుర్తింపు పొందింది.

www.roseandwillard.com వెబ్ సైట్ నిర్వహించిన ఆన్ లైన్ పోల్ లో భాగంగా ఏంజెలీనా జోలీకి, జర్మన్ కు చెందిన హక్కుల కార్యకర్త గ్రీర్ కు మధ్య గట్టిపోటీయే జరిగింది. గ్రీర్ గెలిచే అవకాశాలున్నాయంటూ మొదట్లో వార్తలొచ్చినప్పటికీ.. చివరికీ ఈ పోటీలో జోలీనే నెగ్గింది. దీంతో బ్రిటన్ లో టాప్ ఫెమినిస్ట్ గా ఈమె నిలిచింది. ఈ ఘనతను సాధించిన నేపథ్యంలో ఈమెతోపాటు ఆమె అభిమానులు సంతోషం వ్యక్తం చేస్తున్నారు.

ఇక ఏంజెలీనా గెలుపుపై ఫెమినిస్ట్ ఫ్యాషన్ హౌస్ వ్యవస్థాపక అధ్యక్షులు హైడీ రహ్మాన్ స్పందించారు. ‘మేం మహిళా స్వసక్తితోనే ముందుకెళ్తున్నాం. వారి ఘనతకు గుర్తింపుగా మహిళలకు సంబంధించిన కార్యక్రమాలు నిర్వహిస్తున్నాం. మహిళల హక్కుల విషయంలో ఏంజెలీనా చక్కగా పనిచేస్తున్నారు’ అంటూ రహ్మాన్ పేర్కొన్నారు.