వ్యభిచార కేసులో బుక్కయిన హాలీవుడ్ తార!

Posted: 09/15/2014 05:29 PM IST

ఆమె ఒక హాలీవుడ్ తార... చాలా సినిమాల్లో నటించి తనకంటూ ఒక ప్రత్యేక ఇమేజీని క్రియేట్ చేసుకుంది... కావాల్సినంత డబ్బు వుంది... ఈమెకు ఫ్యాన్స్ కూడా చాలామందే వున్నారు... ఆ హాలీవుడ్ నటి పేరు డానియెలే వాట్స్! ఆస్కార్ నామినేటెడ్ సినిమా ‘‘డిజాంగో అన్ చైన్డ్’’లో నటించింది. అంత సవ్యంగానే తన జీవితం కొనసాగిస్తోంది... అయితే ఇంతలోనే అనుకోకుండా వ్యభిచారం కేసులో పట్టుబడింది. అంతే! ఈమెతోపాటు హాలీవుడ్ ప్రముఖులు సైతం షాకయ్యారు. మంచి పేరు సంపాదించిన ఈ నటి.. ఇలా వ్యభిచారంలో పట్టుబడటమా..! అంటూ ఆశ్యర్యానికి గురయ్యారు. ఇతరుల సంగతేమోగానీ.. తాను వ్యభిచారం కేసులో బుక్కయినందుకు కొద్దిసేపటి వరకు కంటతడి ఆపకుండా భోరుమంటూ ఏడ్చేసింది. తాను ఇలా వ్యభిచారం కేసులో బుక్కవుతానని జీవితంలో కూడా ఆశించలేదని ఆవేదన వ్యక్తం చేసింది. అయితే ఈ కథలో ఒక చిన్న ట్విస్ట్ వుంది. ఆ ట్విస్ట్ ఏంటో తెలుసుకోవాలంటే.. మేటర్ లోకి వెళ్లాల్సిందే!

నటి డానియెలే వాట్స్ తన శ్వేతజాతి మిత్రుడుతో కలిసి ఓ సిల్వర్ కలర్ మెర్సిడీస్ కారులో ‘‘సన్నిహిత స్థితి’’లో వుంది. దాంతో వీరి కారు ఊగుతోంది. దీనిని గమనించిన అక్కడి స్థానికులు.. ‘‘ఓ జంట కారులో మహా ఇదైపోతోంది’’ అంటూ పోలీసులకు ఫిర్యాదు చేశారు. దీంతో వెంటనే పోలీసులు ఆ ప్రదేశానికి చేరుకుని.. వాట్స్ ను, ఆమె స్నేహితుడు బ్రియాన్ లూకాస్ ను అదుపులోకి తీసుకున్నారు. అది కూడా వాట్స్ చేతులకు హ్యాండ్ కఫ్స్ తగిలించి మరీ తీసుకుని వెళ్లారట పోలీసులు! అంతే! తీవ్ర ఆగ్రహానికి గురైన ఈ అమ్మడు అప్పటికప్పుడే భోరుమంటూ ఏడ్చేసింది. తాను వ్యభిచారిని కాదని.. తాను ఒక హాలీవుడ్ యాక్ట్రెస్ నని ఆమె పోలీసులతో చెప్పిన అనంతరం... నిజం తెలుసుకున్న పోలీసులు తాము చేసింది పొరపాటని భావించి.. ఆమెను వదిలేశారు. అంటే.. ఇక్కడ అమ్మడు వ్యభిచారం చేయలేదు. తన స్నేహితుడితో కలిసి సన్నిహితంగా మెలుతుండటాన్ని చూసి.. వ్యభిచారం చేస్తోందని భావించి ఆమెను అరెస్ట్ చేశారు. తనతో జరిగిన ఈ ఘటనను ఆ హాలీవుడ్ తార వాట్స్ కేసీబీఎస్ టీవీతో పంచుకుంది.

AS