సోనాక్షి తెగ ఫీలైపోతుంది..

Posted: 02/16/2014 10:51 AM IST

కొన్ని సార్లు బంగారం లాంటి అవకాశాలు తలుపు తడుతుంటాయి. కానీ ఏమీ చేయలేని పరిస్థితి ఉంటుంది. కారణం పరిస్థితులు. ఇప్పుడు అలాంటి అద్రుష్టమే బాలీవుడ్ భామ సోనాక్షి సిన్హాకి తలుపు తట్టినా పరిస్థితుల కారణంగా అద్రుష్టాన్ని వెనక్కి పంపింది.

విషయం ఏంటంటే త్వరలో ప్రముఖ దర్శకుడు మణిరత్నం మహేష్, నాగార్జునలతో భారీ మల్టీస్టారర్ చిత్రానికి ప్లాన్ చేసి అందులో ఐశ్వర్యరాయ్, శ్రుతి హాసన్ లాంటి స్టార్లను ఎంపిక చేసుకున్నాడు.మరో పాత్రకు  సొనాక్షీ అయితే బాగుంటుందని, ఆమెను సంప్రదించారట. స్టోరీలైన్ కూడా సోనాక్షికి వినిపించారట.

ఆ కథ, తన పాత్ర బాగా నచ్చినా ఈ చిత్రాన్ని అంగీకరించే పరిస్థితిలో లేదట. ఎందుకంటే బిజీ షెడ్యూల్. ప్రస్తుతం ఆమె పలు ప్రాజెక్టుల్లో బిజీగా ఉంది. మణి అడిగిన డేట్స్ తన డైరీలో ఖాళీగా లేక పోయే సరికి బంగారంలాంటి ఈ అవకాశాన్ని వదులుకుందట.

మొన్నటికి మొన్న సుభాష్ ఘయ్ ఇచ్చిన ఆఫర్‌, ఇప్పుడు మణి ఆఫర్ రెండు పోయే సరికి ఈ అమ్మడు తెగ భాద పడిపోతుందట.