సొంత బ్యానర్ ప్లాన్ లో సమంత అక్కినేని?

Posted: 12/23/2017 06:52 PM IST

అక్కినేని వారి అన్నపూర్ణ స్టూడియోస్ బ్యానర్ ప్రారంభించిన అతి తక్కువ టైంలోనే ప్రముఖ బ్యానర్ గా మారిపోయింది. ఏళ్ల తరబడి ఆ సంస్థలో చేసే అవకాశం రావడమే అదృష్టమని అనుకునే నటీనటులు .. సాంకేతిక నిపుణులు వున్నారు. ఈ సంస్థలో చేసిన తరువాత ప్రత్యేకమైన గుర్తింపును తెచ్చుకున్నవారు వున్నారు.

అలాంటి ఈ బ్యానర్ నుంచి ఎన్నో విజయవంతమైన సినిమాలు వచ్చాయి. ఈ నేపథ్యంలో ఈ బ్యానర్ పై నిర్మించిన 'మనం' సినిమా, అక్కినేని ఫ్యామిలీకి అపురూప చిత్రంగా నిలిచింది. అయితే కారణాలేంటో స్పష్టంగా తెలీదుగానీ 'మనం' అనే టైటిల్ ను వదులుకోవడం ఇష్టం లేక, నాగ్ 'మనం ఎంటర్ ప్రైజెస్'ను స్థాపించి, అఖిల్ .. చైతూ సినిమాలు ఈ బ్యానర్ పై వస్తాయని చెప్పారు. ఇప్పుడు ఈ బ్యానర్ కాకుండా ఆ కుటుంబం నుంచి మరో బ్యానర్ ను ఏర్పాటు చేయనున్నట్టు ఫిల్మ్ నగర్లో ఒక వార్త వినిపిస్తోంది.

కన్నడలో హిట్ అయిన 'యూటర్న్'ను తెలుగులో ఆమె రీమేక్ చేయనుంది. చైతూతో కలిసి ఒక కొత్త బ్యానర్ ను ఏర్పాటు చేసి .. ఈ బ్యానర్ పై ఈ సినిమాను నిర్మించనుందని అంటున్నారు. మరి ఈ వార్తలో నిజమెంతో తెలియాలంటే కాస్త ఓపిక పట్టాల్సిందే.