శాతకర్ణిని అసలు పట్టించుకుంటారా?

Posted: 10/27/2016 01:55 PM IST

Balayya gsp trailer grand release in theaters

వందవ చిత్రంగా బాలయ్య కెరీర్ లోనే కాదు.. తెలుగు ఇండస్ట్రీలో చిరస్థాయిగా గుర్తుండేలా క్రిష్ గౌతమీపుత్ర శాతకర్ణిని రూపొందిస్తున్నాడు. అమితాబ్ ను కలిసి రైతు కోసం అడిగిన బాలయ్య ఆటోమేటిక్ గా బాలీవుడ్ దృష్టిని కూడా ఇప్పటి నుంచే ఆరంభించటం మొదలుపెట్టాడని విశ్లేషకులు అభిప్రాయపడుతున్నారు. ఈ క్రమంలో బాహుబలిని మించేలా శాతకర్ణి టీం ఓ పని చేయబోతుందన్న వార్త తెలుస్తోంది.

ఒక సినిమా ఇంటర్వెల్ సమయంలో ట్రైలర్ లు ప్రదర్శితం కావటం అన్నది ఎప్పటి నుంచో ఉన్నప్పటికీ, బాహుబలితో ఆ ఎఫెక్ట్ పీక్స్ లోకి వెళ్లిపోయింది. అప్పటి నుంచి బడా స్టార్ల ట్రైలర్ల కోసమే కొందరు సినిమాలకు వెళ్లిన దాఖలాలు ఉన్నాయి. ఆ రకంగా విపరీతమైన హైప్ ను ఆయా చిత్రాల మీద పెంచేస్తున్నారు నిర్మాతలు. అలాంటిది సుమారు 60 కోట్ల పెట్టుబడితో చేస్తున్న చిత్రం కదా అందుకే శాతకర్ణి కోసం కూడా ఆ ప్రయోగం చేయబోతున్నారంట.

డిసెంబర్ తొలివారంలో బాలయ్య నిర్ణయించిన ఓ ప్రత్యేక ముహుర్తంలో గౌతమీపుత్ర శాతకర్ణి ట్రైలర్ ను రిలీజ్ చేయబోతున్నారు. ఇందుకోసం కేవలం ఇండియాలోనే కాదు, అమెరికా, ఇంగ్లాండ్, లాంటి దేశాలతోపాటు, ఏసియన్ కంట్రీలను కలుపుకుని ఎంపిక చేసిన సుమారు 100 థియేటర్లలో ప్రత్యేకంగా రిలీజ్ చేయాలని నిర్మాతలు రాజీవ్‌రెడ్డి, జాగ‌ర్లమూడి సాయిబాబులు ఫ్లాన్ చేస్తున్నారు. అయితే టీజర్ పై అంతంత మాత్రం స్పందనే రావటం, ఎడిటింగ్ సరిగ్గా లేదని విమర్శలతో ఈసారి ట్రైలర్ తో బాలయ్య సత్తా చూపించేందుకు క్రిష్ సిద్ధమౌతున్నట్లు తెలుస్తోంది. మొత్తానికి బాహుబలిని(ఫస్ట్ పార్ట్ మాత్రమే సుమీ) బీట్ చేయాలన్న బాలయ్య ప్రయత్నం ఏమేర సక్సెస్ అవుతుందో చూద్దాం.