ఈ రీమేక్ తీసే దమ్ము ఎవరికుంది?

Posted: 09/12/2016 04:46 PM IST

క్లాసిక్ చిత్రాలను రీమేక్ చేయాలన్న ఆలోచన ఒక ఎత్తు అయితే వాటిని సరైన కాస్ట్ క్రూ తో తెరకెక్కించే దమ్మున్న దర్శకుడు దొరకటం మరో ఎత్తు. అలాంటి వాటిల్లో మెగాస్టార్ చిరంజీవి జగదేక వీరుడు అతిలోక సుందరి ఒకటి. భారీ వర్షాలను సైతం లెక్కచేయకుండా  ఎగబడిపోయారంటే అర్థం చేసుకోవచ్చు. దర్శకేంద్రుడు రాఘవేంద్ర రావు టేకింగ్, మెగాస్టార్ రాకింగ్ ఫెర్ ఫార్మెన్స్,  అన్నింటికీ మించి దేవకన్యగా శ్రీదేవీ అందం, పాటలు ఇలా అన్నీ ఫీక్స్ లో ఉండటంతో సినిమా టాలీవుడ్ లో ట్రెండ్ సెట్ చేసింది.

దీంతో ఎలాగైనా దానికి సీక్వెల్ చేయాలని నిర్మాత అశ్వనీదత్ ఎప్పటి నుంచో ఫ్లాన్ వేసుకుంటూనే ఉన్నాడు. అంతలోనే మెగా వారసుడు సినీ ఆరంగ్రేటం చేయటంతో ఆ పని మరింత సులువైందని దత్ భావించాడు. మగధీర తర్వాత రాజమౌళి దర్వకత్వంలోనే దీనిని అనుకున్నప్పటికీ ఎడతెరపని జక్కన్న షెడ్యూల్ తో ఆ ప్రయత్నం పక్కకు జరిగింది. అదే సమయంలో తన తండ్రి సినిమాల జోలికి పోయే వాటిని చెడగొట్టడం ఇష్టం లేదని చెర్రీ కూడా ఓపెన్ గా ప్రకటించాడు. ఆ దెబ్బకి ఆ ఆలోచన మూలన పడిపోయిందని అంతా భావించారు.

అయితే సీక్వెల్ కాకుండా రీమేక్ చేసే ఆలోచనకి మారిపోయాడంట నిర్మాత అశ్వనీదత్. ఈ విషయంలో చెర్రీని కూడా అల్రెడీ కన్వెన్స్ చేసినట్లు ఫిల్మ్ నగర్ టాక్. బాహుబలి బిజీలో ఉన్న రాజమౌళి ఎలాగూ దొరకడు కాబట్టి మరో దర్శకుడితో ఈ రీమేక్ ను పట్టాలెక్కించేందుకు అవసరమైన సన్నాహాలు చేస్తున్నాడని అంటున్నారు. ఒకవేళ అదే నిజమైతే ఒరిజినల్ వర్షన్ ని చెడగొట్టకుండా తెరకెక్కించే దమ్ము ఎవరికి ఉందంటారు?