చెర్రీకి కిక్కు దొరకటం లేదంట!

Posted: 07/12/2016 06:16 PM IST

భారీ అంచనాల నడుమ వచ్చిన బ్రూస్ లీ అదే రేంజ్ లో అట్టర్ ఫ్లాప్ అయ్యింది. శీనువైట్లకు స్వేచ్ఛనివ్వటంతోనే ఈ దారుణ ఫలితం వచ్చిందన్న అభిప్రాయానికి వచ్చాడు మెగాపవర్ స్టార్. దీంతో తన తదుపరి చిత్రం ధ్రువను చాలా జాగ్రత్తగా దగ్గరుండి మరీ చూసుకుంటున్నాడు. ఈ క్రమంలో డైరక్టర్ సురేందర్ రెడ్డితో చెడిందనే వార్తలు ఇప్పుడు గుప్పుమంటున్నాయి.   
 
తనిఒరువన్ రీమేక్ గా తెరకెక్కుతున్న ఈ చిత్ర బాధ్యతలను ఏరికోరి మరీ సురేందర్ రెడ్డికి అప్పజెప్పాడు చెర్రీ. అయితే అవుట్ ఫుట్ బాగా రాకపోవటంతోపాటు, నిదానంగా షూటింగ్ చేస్తున్నాడనే కంప్లయింట్సూరీపై ఉంది. ఇప్పటిదాకా కేవలం ఇప్పటిదాకా 25 శాతం మాత్రమే షూటింగ్ పూర్తయింది. సెప్టెంబర్ లో రిలీజ్ చేద్దామనుకున్న సినిమా ఈ యేడాది రావటం అనుమానంగానే కనిపిస్తోంది.

ఇంకోవైపు మాతృకను అలాగే తీయాలని స్వయంగా చిరంజీవి చెప్పినప్పటికీ, కొద్ది మార్పులతోపాటు ఎక్స్ ట్రా సీన్లను చేర్చటంపై చెర్రీ కోపంగా ఉన్నాడని తెలుస్తోంది. దీంతో సొంత నిర్ణయాలు తీసుకుంటున్న  సురేందర్ రెడ్డికి సాలిడ్ వార్నింగ్ ఇచ్చినట్లు భోగట్టా. ఇక నుంచైనా స్పీడ్ పెంచి కనీసం దసరాకైనా సినిమా రిలీజ్ అయ్యేలా చూడాలని చరణ్ సూచించినట్లు తెలుస్తోంది.

భాస్కర్