బాబు బాలీవుడ్ సెంటిమెంట్..!

Posted: 06/10/2016 01:22 PM IST

ప్రిన్స్ మహేష్ బాబు లాంటి అందగాడి సరసన హీరోయిన్ గా నటించాలంటే బాలీవుడ్ నుంచి అంటే ముంబాయి నుంచి భామలు రావాల్సిందే. అందుకేనేమో ఫస్ట్ సినిమాలోనే కె రాఘవేంద్రరావు ప్రీతి జింతాని మహేష్ సరసకు తీసుకొచ్చాడు. ఇక అక్కడ్నుంచి అత్యధిక బాలీవుడ్ హీరోయిన్స్ తో చేసిన సూపర్ స్టార్ గా మహేష్ బాబు మారిపోయాడు.
ఇప్పుడు రీసెంట్ గా మురుగదాస్ సినిమాలో కూడ బాలీవుడ్ భామ పరిణీతి చోప్రా నటించనుంది. ఈ నేపథ్యంలో అసలు మహేష్ బాబుకి బాలీవుడ్ హీరోయిన్స్ అంతగా కలిసిరారు అంటూ ఫిలిం నగర్ లో టాక్ మొదలైంది. కొంతమంది అయితే, హీరోయిన్ ఓన్లీ గ్లామర్ కే కదా ఉండేది ఎవరైతే ఏమైంది అని అంటున్నారు.
అసలు ఈ బాలీవుడ్ సెంటిమెంట్ మహేష్ సినిమాలకు ఎలా సెట్ అవుతుందో ఒక లుక్కేయండి.

ఫస్ట్ సినిమా రాజకుమారుడు ప్రీతిజింతాతో సోసో గా పాసయ్యాడు మహేష్. వీళ్లిద్దరి జోడి తెరపైన చాలా బాగుంది అని అప్పట్లో అందరూ అనుకున్నారు కూడ. ఇక రాఘవేంద్రరావుగారి సినిమా కాబట్టి పాస్ అయిపోయింది.

తర్వాత వంశీ సినిమాలో తనతో జతకట్టిన నమ్రతానే మహేష్ పెళ్లాడిన సంగతి తెలిసిందే. అయితే, ఈ సినిమా అనుకున్నంత ఆడలేదు. ఆ తర్వాత సోనాలి బింద్రే తో జతకట్టిన మహేష్ మురారి సినిమాతో సూపర్ హిట్ ని అందుకున్నాడు. ఇక టక్కరి దొంగ సినిమాలో బాలీవుడ్ భామలైన బిపాసా, లిసారాయ్ లతో డిజాస్టర్ ని చవిచూసాడు. ఇక ఎన్నో అంచనాలతో వచ్చిన నాని సినిమా బాక్సాఫీసు ముందు బోల్తా పడింది. ఈ సినిమాలో మహేష్ సరసన బాలీవుడ్ అందాల భామ అమీషా పటేల్ నటించింది.

ఈ సినిమా తర్వాత బాలీవుడ్ భామలు వొద్దనుకున్నాడో లేదో కెరియర్ లో ఓ మోస్తరు విజయాలను, మంచి బ్లాక్ బస్టర్ హిట్స్ ని అందుకున్నాడు. ఆ తర్వాత మళ్లీ అతిథి సినిమాలో అమృతారావ్ ని బాలీవుడ్ నుంచి రప్పించాడు. ఇక ఈ సినిమా యావరేజ్ టాక్ తో గట్టెక్కిన సంగతి తెలిసిందే.

చాలా గ్యాప్ తర్వాత మళ్లీ ఇప్పుడు మురుగదాస్ తో నటిస్తున్న సినిమాలో బాలీవుడ్ భామ పరిణీతి చోప్రాతో జతకట్టనున్నాడు. మరి ఈ సినిమా మహేష్ కెరియర్ ని ఎలాంటి మలుపు తిప్పుతుందో చూడాలి.
 
- మూర్తి