అన్నయ్య షూరూ చేసిండు...!

Posted: 06/09/2016 12:55 PM IST

 మెగాస్టార్ చిరంజీవి స్టార్ డైరెక్టర్ వినాయక్ డైరెక్షన్ లో చేస్తున్న సినిమా కత్తిలాంటోడు. ఈ సినిమా  చిరంజీవి 150వ చిత్రంగా తెరకెక్కుతోంది. ఈసినిమా పై అభిమానులు ఎన్నో అంచనాలను పెట్టుకున్నారు. మెగాస్టార్ రీ ఎంట్రీ ఎలా ఉంటుందో, అన్నయ్య వెండితెరపై మళ్లీ ఎలా కనిపించబోతున్నాడో అని ఎదురుచూస్తున్నారు. ఫ్యాన్స్ అందరికోసం ఒక శుభవార్త చెప్పింది చిత్రయూనిట్.

అదేంటంటే..., ఏప్రిల్ నెలాఖరున ప్రారంభమైన చిరంజీవి 150వ సినిమా ఇంకా సెట్స్ పైకి రాలేదు. జూన్ మొదటి వారంలో ఈ సినిమా రెగ్యులర్ షూటింగ్ స్టార్ట్ అవుతుందనుకున్నారు కానీ ఇప్పుడది మళ్లీ మూడవ వారానికి వాయిదా పడింది. వివి వినాయక్ డైరక్షన్ లో తెరకెక్కుతోన్న ఈసినిమా ఈనెల 20 నుంచి బ్రేక్ లేకుండా కంటిన్యూగా షూటింగ్ జరుపుకోనుందట. ఇదే వార్తని ఇప్పుడు చిత్రయూనిట్ చెప్పింది.

ఇందులో జైలు సీన్ కోసం స్పెషల్ సెట్టింగ్ వేస్తున్నారట. ఆసెట్ లో మొదటి షెడ్యూల్ ఫినిష్ అవుతుందని, కొన్ని కీలకమైన సన్నివేశాలను కూడ ఈ షెడ్యూల్ లో చిత్రీకరిస్తున్నామని చెప్తున్నారు. ఈ సినిమా షూటింగ్ లో కొంతభాగాన్ని కోల్ కత్తాలో కూడ షూటింగ్ చేసేందుకు ప్లాన్ చేస్తున్నట్లుగా తెలుస్తోంది.

- మూర్తి