అది నీకు సెట్ అవుతుందా ? లేదా ?

Posted: 06/06/2016 04:09 PM IST

కలెక్షన్ కింగ్ మోహన్ బాబు కెరియర్ లోనే ఎంతో ప్రత్యేకంగా చెప్పుకోదగ్గ సినిమాల్లో 'అసెంబ్లీ రౌడీ' కూడా ఒకటి. ఈ చిత్రం విడుదలై పాతికేళ్లు పూర్తైన సందర్భంగా ఇటీవలే ఆ సినిమా జ్ఞాపకాలని గుర్తు చేసుకుంటూ.. ఈ చిత్రాన్ని తన పెద్ద కొడుకు మంచు విష్ణు హీరోగా రీమేక్ చేయాలనుకుంటున్నట్లు వెల్లడించారు మోహన్ బాబు. అసెంబ్లీ రౌడీ రీమేక్ గురించి ఎప్పటినుంచో అనుకుంటున్నాం.

ఇప్పుడైనా సరే బి.గోపాల్ మాత్రమే ఈ సినిమాని డైరెక్ట్ చెయ్యగలడని చెప్పాడు. విష్ణు ఈ చిత్రంలో నటించడానికి ఆసక్తి చూపిస్తున్నాడు. త్వరలో ఈ రీమేక్ గురించి మరిన్ని విశేషాలు చెబుతాను అని మోహన్‌బాబు చెప్పారు.

అయితే, అప్పట్లో అసెంబ్లీ రౌడీ సినిమా టైటిల్ పై వివాదాలు నెలకొన్నాయి. ఇలాంటి సినిమా టైటిల్ తో మళ్లీ మంచు విష్ణుతో ఈ సినిమా తీస్తే అసలు ఆ క్యారెక్టర్ విష్ణుకి ఎంత వరకూ సెట్ అవుతుందనేది ఇప్పుడు హాట్ టాపిక్ గా మారింది. ఈ సినిమాలో దివ్యభారతి లాంటి క్యారెక్టర్ చెయ్యాలంటే ఇప్పుడున్న హీరోయిన్స్ లో రకుల్ ప్రీత్ సింగ్ మాత్రమే చెయ్యగలదని, అయినా అదే సేమ్ స్టోరీని మళ్లీ రీమేక్ చేస్తే ఆడియన్స్ ఎలా రిసీవ్ చేసుకుంటారనేది చెప్పలేమని చెప్తున్నారు సినీ విశ్లేషకులు.

అసలే ఇప్పటికే త్రివిక్రమ్ శ్రీనివాస్ తీసిన అ-ఆ సినిమా మీనా సినిమానే అని ధ్వజమెత్తిన సోషల్ మీడియా ఇప్పుడు మళ్లీ పాత సినిమాల రీమేక్స్ అంటే అదే సినిమాతో ఖచ్చితంగా పోల్చుతారని, అందుకే ఇలాంటి రీమేక్స్ ఇక రాకుండా ఉంటేనే పాత సినిమాల విలువ తగ్గకుండా అలాగే ఉంటుందని సినీ పండితులు భావిస్తున్నారు.