పాపకి టెన్షన్ మొదలైంది...!

Posted: 06/01/2016 02:50 PM IST

యంగ్ టైగర్ ఎన్టీఆర్ హీరోగా కొరటాల శివ దర్శకత్వంలో శరవేగంగా షూటింగ్ జరుపుకుంటున్న సినిమా జనతా గ్యారేజ్. ఈ సినిమాలో జూనియర్ ఎన్టీఆర్ సరసన సమంత , నిత్యామీనన్ లు నటిస్తున్న సంగతి తెలిసిందే. ప్రస్తుతం జనతా గ్యారేజ్ టీమ్ చెన్నైలో కొన్ని కీలక సన్నివేశాల చిత్రీకరణలో బిజీగా ఉంది.
ఈ సినిమా షూటింగ్ కి ఇప్పటికే అక్కడ తారక్ ఫ్యాన్స్ తాకిడి ఎక్కువైపోయింది.

అంతేకాకుండా సినిమాకి సోషల్ నెట్ వర్క్స్ లో వస్తున్న హైప్ కి తమిళ స్టార్లు సైతం ఆశ్చర్యపోతున్నారట. జూనియర్ ని కలిసేందుకు ఒక్కొక్కరుగా సెట్స్ లోకి వచ్చి కాసేపు సందడి చేసి వెళ్తున్నారట.

తాజాగా అందుతున్న సమాచారం ప్రకారం అక్కడ షూటింగ్ మరికొన్ని రోజుల్లో పూర్తి అవుతుందని, ఆ తర్వాత హైదరాబాద్ లో ప్రత్యేకంగా వేసిన సెట్ లో నిత్యామీనన్, జూనియర్ ఎన్టీఆర్ లపై ఒక పాటని చిత్రీకరించనున్నారు. ఇప్పుడు ఈ పాటను తలుచుకుంటేనే నిత్యామీనన్ కి టెన్షన్ ఎక్కువైపోతుందట. ఎందుకంటే, తారక్ తో కలిసి డ్యాన్స్ చెయ్యాలంటే తనవల్ల కాదని డైరెక్టర్ కి చెప్పిందట ఈ అమ్మడు.

దీంతో డైరెక్టర్ నిత్యామీనన్ కి స్పెషల్ గా ఒక కొరియోగ్రాఫర్ ని అప్పగించి ప్రాక్టీస్ చేయినస్తున్నట్లుగా సమాచారం. గతంలో నిత్యామీనన్ కేవలం పెర్ఫామెన్స్ పాటల్లో మాత్రమే నటించింది. ఎక్కడా పెద్దగా డ్యాన్స్ చేసిన అనుభవం కూడ లేకపోవడంతో ఇప్పుడు తారక్ తో కలిసి స్టెప్పులు వెయ్యాలంటే టెన్షన్ పడుతోందట.

అసలే జూనియర్ ఎన్టీఆర్ భయంకరమైన డ్యాన్సర్ , అందులోనూ దేవిశ్రీప్రసాద్ బీట్ సాంగ్ ఇప్పుడు ఈ సాంగ్ షూటింగ్ డేట్స్ దగ్గరకి వస్తుండటంతో చేసేది ఏమీలేక డ్యాన్స్ ప్రాక్టీస్ మొదలెట్టిందట నిత్యా. ప్రేమరక్షిత్ కొరియోగ్రాఫ్ చేస్తున్న ఈపాట కోసం ప్రస్తుతం సారధి స్టూడియోస్ లో సెట్ పనులు జరుగుతున్నాయి.

- పరిటాల మూర్తి