ఆ ఘాటు కావాలంటే అంతేనట?

Posted: 05/16/2016 12:03 PM IST

సౌత్ ఇండియన్ స్టార్ హీరోయిన్ నయనతార క్రేజ్ గురించి ప్రత్యేకంగా చెప్పుకోనవసరం లేదు. గతంలో ఈ అమ్మడు తన వరుస హిట్ సినిమాల కంటే వివాదాలతోనే ఎక్కువ పాపులర్ అయ్యింది. మొదటగా శింబుతో ప్రేమాయణం, ఆ తర్వాత ప్రభుదేవాతో పెళ్లికి సిద్ధమవడం.. ఆ తర్వాత వీరిద్దరికి దూరమవ్వడం జరిగింది. వీరిద్దరికి దూరమయిన తర్వాత పూర్తిగా సినిమాలకే తన జీవితం అంకితమిచ్చినట్లుగా వరుస సినిమాలతో, సక్సెస్ లతో దూసుకుపోతుంది.

అయితే గతంలో ఈ అమ్మడు శింబుతో ‘వల్లభ’ సినిమాలో చేసిన లిప్ లాక్ సీన్ సెన్సేషన్ సృష్టించింది. మళ్లీ అలాంటి సీన్ ను కావాలనే ఓ డైరెక్టర్ కోరుకుంటున్నాడట. శింబు నటించిన ‘ఇదు నమ్మ ఆలు’ సినిమా గతకొద్ది కాలంగా షూటింగ్ పూర్తికాకుండా, విడుదల కాకుండా ఆగిపోయిన విషయం తెలిసిందే. ఇందులో శింబు, నయనతారలు జంటగా నటిస్తున్నారు. అసలే హిట్లు లేక శింబు విలవిలలాడుతున్నాడు.

ఆగిపోయిన ఈ సీన్ లో అలాంటి ఓ లిప్ లాక్ సీన్ ఉందట. ఇప్పటికే ఈ సినిమా కోసం తాను ఇచ్చిన కాల్ షీట్స్, డేట్స్ పూర్తయ్యాయి. పైగా మరిన్ని డేట్స్ కావాలంటే మరింత రెమ్యునరేషన్ ఇవ్వాలని నయనతార కోరింది. కాగా ఈ ప్రత్యేక లిప్ లాక్ సీన్ కోసం నయనతారను సంప్రదిస్తే... భారీ మొత్తంలో రెమ్యునరేషన్ డిమాండ్ చేసిందట. ఈ లిప్ లాక్ సీన్ కోసం ఎక్స్ ట్రా గా మరో యాభై లక్షలు ఇవ్వాలని నయనతార డిమాండ్ చేసినట్లుగా వార్తలొస్తున్నాయి. మరి ఈ అమ్మడు కరుణించి రెమ్యునరేషన్ తగ్గిస్తుందో లేదా లిప్ లాక్ సీన్ లేకుండానే ఈ సినిమాను విడుదల చేస్తారనే విషయం త్వరలోనే తెలియనుంది.