ఆస్కార్ కోసం బాలయ్య నటవిశ్వరూపం?

Posted: 03/23/2016 03:27 PM IST

నందమూరి బాలకృష్ణకు పౌరాణిక, జానపదాల మీద ఎంతటి పట్టు, శ్రద్ధ, ఆసక్తి వున్నాయో అందరికి తెలిసిందే. ఏ కార్యక్రమంలోనైనా ఏదో ఒక పౌరాణికం డైలాగ్ చెప్పకుండా బాలయ్య వుండలేదు. టాలీవుడ్ లోనే బిగ్గెస్ట్ మాస్ ఫ్యాన్ ఫాలోయింగ్ అగ్ర, స్టార్ హీరోగా బాలయ్య ప్రథమ స్థానంలో వున్నారు. కమర్షియల్ మాస్ చిత్రాలకు బాలయ్య కేరాఫ్ అడ్రస్ అనడంలో మరో ఆలోచన వుండని చెప్పుకోవచ్చు. అలాంటి బాలయ్య ఈసారి ఆస్కార్ పై దృష్టిపెట్టాడు. ఆస్కార్ అవార్డు రాకుండా తనని ఎవరూ ఆపలేరంటున్నాడు నందమూరి బాలకృష్ణ.

ఈ మాటలను నిజంగా బాలయ్య తన సన్నిహితులతో చెప్పాడట. ఇటీవలే బాలయ్య మనవడు దేవాన్ష్ మొదటి పుట్టినరోజు వేడుకలను చాలా గ్రాండ్ గా కుటుంబ సభ్యులు, సన్నిహితుల సమక్షంలో జరిపారు. ఈ వేడుకలో బాలయ్య తన సన్నిహితులు, బంధుమిత్రులతో చాలా సరదాగా గడిపి, కబుర్లు చెప్పారట. అంతేకాకుండా తన తర్వాతీ చిత్ర విశేషాలను కూడా వారితో పంచుకున్నారట.

తన తర్వాతీ చిత్రం ప్రముఖ దర్శకుడు క్రిష్ దర్శకత్వంలో వుంటుందని... హిస్టారికల్ బ్యాక్ డ్రాప్ లో రూపొందనున్న ఈ సినిమాలతో తాను గౌతమీపుత్ర శాతకర్ణి పాత్రలో నటించబోతునట్లుగా బాలయ్య చెప్పాడు. ఆ సినిమా కోసమే తాను మీసాలు పెంచుతున్నానని, ఈ సినిమాలోని తన నటనకు గ్యారెంటీగా ఆస్కార్ వస్తుందని ఆశిస్తున్నట్లుగా బాలయ్య తన సన్నిహితులతో చెప్పుకొచ్చాడట. మరి ఆస్కార్ వచ్చే రేంజులో నటన వుండాలంటే.. బాలయ్య ఏ రేంజులో నటవిశ్వరూపం చూపిస్తాడో భవిష్యత్తులోనే తెలియనుంది. ఇప్పటివరకు తెలుగు సినీ ఇండస్ట్రీలో బాలయ్య పలు రికార్డులను క్రియేట్ చేసాడు. ఇక ఆస్కార్ ను కూడా బాలయ్యనే సాధిస్తే.. అంతకంటే మంచి తరుణం మరొకటి లేదని చెప్పుకోవచ్చు.