నాని ‘జై బాలయ్య’కు మరో కొత్త టైటిల్

Posted: 01/06/2016 10:18 AM IST

‘భలే భలే మగాడివోయ్’ సక్సెస్ తో మంచి జోష్ మీదున్న నాని.. వరుస సినిమాలతో బిజీగా వున్నాడు. ప్రస్తుతం నాని హీరోగా ‘అందాల రాక్షసి’ ఫేం దర్శకుడు హను రాఘవపూడి దర్శకత్వంలో ఓ చిత్రం తెరకెక్కుతోంది. 14 రీల్స్ ఎంటర్టైన్మెంట్ బ్యానర్ పై ప్రముఖ నిర్మాతలు రామ్ ఆచంట – గోపి ఆచంట – అనిల్ సుంకర సంయుక్తంగా నిర్మిస్తున్నారు. విశాల్ చంద్రశేఖర్ సంగీతం అందిస్తున్నారు.

ఈ సినిమాలో నాని అనంతపూర్ నందమూరి బాలకృష్ణ ఫ్యాన్స్ అసోసియేషన్ ప్రెసిడెంట్ పాత్రలో కనిపించనున్నాడు. అంతేకాకుండా ఈ సినిమా కోసం నాని తన చేతిమీద ‘జై బాలయ్య’ అనే ఓ టాటూను కూడా వేయించుకున్నాడు. ఈ చిత్రానికి ‘జై బాలయ్య’ అనే టైటిల్ అనుకున్నారు. అయితే తాజా సమాచారం ప్రకారం ఈ చిత్రానికి ‘కృష్ణగాడి వీర ప్రేమగాథ’ అనే టైటిల్ ను పరిశీలిస్తున్నట్లుగా తెలిసింది.

త్వరలోనే అన్ని వివరాలను అధికారికంగా ప్రకటించనున్నారు. ప్రస్తుతం ఈ చిత్ర షూటింగ్ చివరి దశకు చేరుకుంది. త్వరలోనే పోస్ట్ ప్రొడక్షన్ కార్యక్రమాలను పూర్తి చేసుకొని, వేసవి సెలవుల కానుకగా ఈ చిత్రాన్ని ప్రేక్షకుల ముందుకు తీసుకురానున్నారు.