అమీర్ ఔట్.. మహేష్ ఇన్..?

Posted: 12/01/2015 10:48 AM IST

బాలీవుడ్ హీరో అమీర్ ఖాన్ పై దేశ వ్యాప్తంగా విమర్శలు వస్తున్న విషయం తెలిసిందే. ఇటీవలే అమీర్ ఖాన్ చేసిన కామెంట్లు భారతీయులు మనోభావాలు ఘోరంగా దెబ్బతినడంతో... అమీర్ పై భారతీయులంతా మండిపడుతున్నారు. అమీర్ పై తీవ్ర ఆగ్రహం వ్యక్తం చేస్తున్నారు. దీంతో అమీర్ కు వ్యక్తిగతంగా పెద్ద దెబ్బతగిలిందని చెప్పుకోవచ్చు.

అమీర్ ఖాన్ మొన్నటివరకు పలు నేషనల్ ప్రొడక్ట్ సంస్థలకు వస్తువులకు బ్రాండ్ అంబాసిడర్ గా వ్యవహరిస్తున్న విషయం తెలిసిందే. అమీర్ చేసిన కామెంట్లతో ఆ కంపెనీ వారు అమీర్ ను బ్రాండ్ అంబాసిడర్ గా తీసేయాలని భావించారట. కానీ అమీర్ తో తమ అగ్రిమెంట్ కూడా ముగియటంతో అమీర్ స్థానంలో టాలీవుడ్ సూపర్ స్టార్ మహేష్ బాబు ను తమ ప్రొడక్ట్స్ కు బ్రాండ్ అంబాసిడర్ గా తీసుకోవాలని అనుకుంటున్నారని తెలిసింది.

మహేష్ బాబు నటించిన ‘శ్రీమంతుడు’ చిత్రం బాలీవుడ్ లో కూడా విడుదలై మంచి టాక్ ను సొంతం చేసుకుంది. బాలీవుడ్ స్టార్ హీరోలకు సైతం మహేష్ పోటీగా నిలుస్తున్నాడు. అందుకే మహేష్ తో ఒప్పందం కుదుర్చుకునేందుకు ఆ సంస్థలు సిద్దమవుతున్నట్లుగా తెలిసింది. ఒకవేళ ఇదే నిజమైతే ప్రపంచ వ్యాప్తంగా మహేష్ క్రేజ్ భారీగా పెరిగిపోవడం ఖాయమని తెలుస్తోంది.