మరోసారి ‘వల్లభ’గా రావాలనుకుంటున్న శింబు

Posted: 11/28/2015 04:58 PM IST

తమిళ స్టార్ హీరో శింబుకి గతకొద్ది కాలంగా విజయాలు లేకపోవడం, అలాగే తన పర్సనల్ లైఫ్ పరంగా కూడా చాలా సమస్యలను ఎదుర్కొన్నాడు. ఇటీవలే శింబు నటించిన ‘వాలు’ సినిమా యావరేజ్ టాక్ ను సొంతం చేసుకుంది. అయితే మరోసారి దర్శకత్వం చేయాలనే ఆలోచనలో వున్నాడట శింబు.

గతంలో శింబు దర్శకత్వంలో వచ్చిన ‘వల్లవన్’ (తెలుగులో వల్లభ) చిత్రం తెలుగు, తమిళం భాషలలో భారీ విజయం సాధించింది. ఈ సినిమా శింబుకి మంచి పేరును తెచ్చిపెట్టింది. అమ్మాయిలో శింబుకి భారీ క్రేజ్ ను తెచ్చిపెట్టింది. ఈ సినిమాకు శింబుయే కథను అందించి, దర్శకత్వం వహించారు.

ఆ తర్వాత శింబు పలు సినిమాల్లో నటించినప్పటికీ, సరై విజయం దొరకక సతమతమవుతున్నాడు. అందుకే మరోసారి మెగాఫోన్ చేతపట్టాలని శింబు డిసైడ్ అయినట్లుగా తెలిసింది. ప్రస్తుతం తనకోసం ఓ పర్ఫెక్ట్ లవ్ రొమాంటిక్, యాక్షన్ ఎంటర్ టైనర్ స్క్రిప్ట్ ను శింబు సిద్ధం చేసుకున్నట్లుగా తెలిసింది. త్వరలోనే ఈ ప్రాజెక్టును సెట్స్ పైకి తీసుకెళ్లేందుకు ప్రయత్నిస్తున్నట్లుగా తెలిసింది.