కత్తిలాంటి కెథరిన్ ఎమ్మేల్యేగా మారనుందా?

Posted: 10/09/2015 10:48 AM IST

Catherine tresa mla role in allu arjun sarainodu

స్టైలిష్ స్టార్ అల్లు అర్జున్ హీరోగా మాస్ కమర్షియల్ హిట్ చిత్రాల దర్శకుడు బోయపాటి శ్రీను దర్శకత్వంలో తెరకెక్కుతున్న తాజా చిత్రం ‘సరైనోడు’(వర్కింగ్ టైటిల్’. ప్రస్తుతం ఈ చిత్ర షూటింగ్ శరవేగంగా జరుగుతోంది. ఇందులో బన్నీ సరసన రకూల్ ప్రీత్ సింగ్ హీరోయిన్ గా నటిస్తుంది. అయితే ఇందులో మరో గ్లామర్ భామ కెథరిన్ థ్రెసా కూడా వచ్చి చేరింది.

‘ఇద్దరమ్మాయిలతో’ సినిమా ద్వారా హాట్ హీరోయిన్ గా ఎంట్రీ ఇచ్చిన కేథరిన్ థ్రెసా... ఈ సినిమాలో కెథరిన్ తన తొడల అందాలతో పిచ్చెక్కించేసింది. హాట్ హాట్ గా కనిపించి కుర్రకారుకు మతిపోగొట్టేసింది. ఈ సినిమా కమర్షియల్ గా భారీ విజయం సాధించకపోయినప్పటికీ కెథరిన్ కు మాత్రం వరుస అవకాశాలు తెచ్చిపెట్టాయి.

Video Courtesy: Sri Balaji Music

మళ్లీ వీరిద్దరూ కలిసి ‘రుద్రమదేవి’ సినిమాలో నటించారు. ‘రుద్రమదేవి’ సినిమాలో అల్లు అర్జున్ ‘గోన గన్నారెడ్డి’ పాత్రలో నటించగా, కెథరిన్ ‘అనామిక’ పాత్రలో నటించింది. అయితే మరోసారి బన్నీ సినిమాలో కెథరిన్ సందడి చేయనుంది. బన్నీ నటిస్తున్న ‘సరైనోడు’ సినిమాలో కెథరిన్ ఎమ్మెల్యే పాత్రలో నటిస్తుందట. త్వరలోనే అన్ని వివరాలు అధికారికంగా ప్రకటించనున్నారు.

గీతా ఆర్ట్స్ బ్యానర్ పై నిర్మాత అల్లు అరవింద్ నిర్మిస్తున్న ఈ చిత్రానికి థమన్ సంగీతం అందిస్తున్నాడు. శ్రీకాంత్ ఓ ముఖ్య పాత్రలో నటిస్తున్నాడు. స్టైలిష్ ఫ్యామిలీ యాక్షన్ ఎంటర్ టైనర్ గా రూపొందుతున్న ఈ చిత్రాన్ని త్వరలోనే ప్రేక్షకుల ముందుకు తీసుకురానున్నారు.