ఈనెల 31న మహేష్ సెల్వాందన్ ఆడియో

Posted: 07/28/2015 01:34 PM IST

కొరటాల శివ దర్శకత్వంలో తెరకెక్కిన ‘శ్రీమంతుడు’ చిత్ర ప్రమోషన్ కార్యక్రమాలు భారీగా జరుగుతున్నాయి. టాలీవుడ్ ప్రిన్స్ మహేష్ బాబు, శృతిహాసన్ జంటగా నటించిన ‘శ్రీమంతుడు’ చిత్రాన్ని తమిళంలో ‘సెల్వాందన్’ పేరుతో విడుదల చేస్తున్నారు. ఇప్పటికే తమిళ పోస్టర్లు విడుదలై మంచి టాక్ ను సొంతం చేసుకున్నాయి.

దేవిశ్రీప్రసాద్ సంగీతం అందించిన ‘శ్రీమంతుడు’ ఆడియో ఇటీవలై విడుదలై బ్లాక్ బస్టర్ హిట్టయ్యింది. అయితే ‘సెల్వాందన్’ చిత్ర ఆడియోను ఈనెల 31న గ్రాండ్ గా విడుదల చేయడానికి చిత్ర యూనిట్ సన్నాహాలు చేస్తున్నారు. హీరోయిన్ శృతిహాసన్ మరియు సంగీత దర్శకుడు దేవిశ్రీప్రసాద్ లతో పాటు మహేష్ కు కూడా బాగానే క్రేజ్ వుండటంతో తమిళంలో కూడా ఈ సినిమా భారీ విజయం సాధిస్తుందనే నమ్మకంతో వున్నారు చిత్ర యూనిట్.

ఈ చిత్రాన్ని మైత్రి మూవీమేకర్స్‌, ఎం.బి. ఎంటర్‌టైన్‌మెంట్‌ ప్రై.లి. బ్యానర్స్‌పై నిర్మాతలు నవీన్‌ యెర్నేని, వై. రవిశంకర్‌, మోహన్‌ సంయుక్తంగా నిర్మించారు. ప్రస్తుతం తమిళ వర్షెన్ కు సంబంధించిన డబ్బింగ్ పనులు కూడా శరవేగంగా జరుగుతున్నాయి. తెలుగు, తమిళం భాషలలో ఈ చిత్రాన్ని ప్రపంచ వ్యాప్తంగా ఆగష్టు 7వ తేదిన గ్రాండ్ గా విడుదల చేయనున్నారు.