సెప్టెంబర్ నెలలో రుద్రమదేవి విడుదల

Posted: 07/22/2015 01:56 PM IST

ప్రముఖ దర్శకుడు గుణశేఖర్ దర్శకత్వంలో కాకతీయ వీరనారి రుద్రమదేవి జీవితకథ ఆధారంగా తెరకెక్కుతున్న భారీ చిత్రం ‘రుద్రమదేవి’. ఈ చిత్రంలో అనుష్క రుద్రమదేవి పాత్రలో నటించింది. ఇప్పటికే షూటింగ్ పూర్తి చేసుకున్న ఈ చిత్రం పోస్ట్ ప్రొడక్షన్ కార్యక్రమాలను కూడా మరికొద్ది రోజుల్లో పూర్తి చేసుకోనుంది. పోస్ట్ ప్రొడక్షన్ కార్యక్రమాలు చివరి దశకు చేరుకున్నాయి.

భారీ అంచనాలతో తెరకెక్కుతున్న ఈ చిత్రాన్ని సెప్టెంబర్ 4న విడుదల చేయడానికి చిత్ర యూనిట్ సన్నాహాలు చేస్తున్నట్లుగా తెలిసింది. మరికొద్ది రోజుల్లో చిత్ర యూనిట్ అధికారికంగా ప్రకటించనున్నారు. ఇప్పటికే విడుదలైన పాటలు, ట్రైలర్లకు మంచి స్పందన వస్తుంది.

గోన గన్నారెడ్డి పాత్రలో స్టైలిష్ స్టార్ అల్లు అర్జున్ నటించాడు. రానా, కృష్ణంరాజు, ప్రకాశ్ రాజ్, నిత్యామీనన్, కెథరిన్, హంసా నందిని, అజయ్ తదితరులు ముఖ్య పాత్రలలో నటించారు. ఇళయరాజా సంగీతం అందించారు. మరి ఈ సినిమా విడుదలై ఎలాంటి విజయం సాధించనుందో త్వరలోనే తెలియనుంది.