జులై 17న శ్రీమంతుడు ఎంట్రీ ఇస్తాడా

Posted: 05/11/2015 01:38 PM IST

మహేష్ హీరోగా ‘మిర్చి’ ఫేం దర్శకుడు కొరటాల శివ దర్శకత్వంలో ఓ చిత్రం తెరకెక్కుతున్న విషయం తెలిసిందే. ‘శ్రీమంతుడు’ అనే టైటిల్ పరిశీలిస్తున్నారు. ‘1 నేనొక్కడినే’, ‘ఆగడు’ వంటి అట్టర్ ఫ్లాప్ చిత్రాల తర్వాత మహేష్ చాలా కసిగా వున్నాడు. ఈసారి ఎలాగైనా హిట్టుకొట్టాలని ఎదురుచూస్తున్నాడు. అందుకే తన సినిమాను పక్కాగా ప్లాన్ చేసుకుంటున్నాడు.

ప్రస్తుతం ఈ చిత్ర షూటింగ్ శరవేగంగా జరుగుతోంది. ఈ చిత్రాన్ని జులై 17న ప్రపంచ వ్యాప్తంగా, గ్రాండ్ గా విడుదల చేయాలని చిత్ర నిర్మాతలు అనుకున్నారు. కానీ పోస్ట్ ప్రొడక్షన్ పనులు మరియు ఇతర వర్క్స్ వల్ల సినిమా ఇంకా లేట్ అవుతుండటం వలన విడుదల ఆలస్యం అయ్యేలా వుందంటూ వార్తలొస్తున్నాయి. కానీ మహేష్ మాత్రం జులై నెలకే ఫిక్స్ అయినట్లుగా తెలిసింది.

ఎట్టిపరిస్థితుల్లో ‘శ్రీమంతుడు’ని జులై 17నే విడుదల చేయాలని మహేష్ చిత్ర నిర్మాతలకు చెప్పేసాడట. దీంతో నిరవధికంగా షూటింగ్ జరుపుతూ, పోస్ట్ ప్రొడక్షన్ కార్యక్రమాలను కూడా మరింత వేగవంతం చేసారని సమాచారం. ఈ చిత్ర ఫస్ట్ లుక్ పోస్టర్, టైటిల్ లోగోను కృష్ణ పుట్టినరోజు సంధర్భంగా మే 31న విడుదల చేయనున్నారు. త్వరలోనే అన్ని వివరాలు అధికారికంగా ప్రకటించనున్నారు.

మైత్రి మూవీస్ బ్యానర్ పై రూపొందుతున్న ఈ చిత్రంలో మహేష్ సరసన తొలిసారిగా శృతిహాసన్ హీరోయిన్ గా నటిస్తుంది. జగపతి బాబు, సుకన్య, రాహుల్ రవీంద్రన్ కీలక పాత్రలలో నటిస్తున్నారు. దేవిశ్రీప్రసాద్ సంగీతం అందిస్తున్నాడు. మరి ఈ సినిమా ఎలాంటి విజయం సాధించనుందో త్వరలోనే తెలియనుంది.