నందమూరివారి ‘100’వ కలయిక.. అభిమానులకు కన్నులపండుగ

Posted: 04/23/2015 10:44 AM IST

గతకొన్నాళ్ల క్రితం నందమూరి కుటుంబసభ్యుల మధ్య విభేదాలు రాజుకున్న విషయం తెలిసిందే! అయితే.. జానకిరాం హఠాన్మరణం వీరందరినీ మళ్లీ ఏకతాటిపై నిలిపింది. వీరిమధ్య అప్పటివరకున్న సమస్యలు ఒక్కసారిగా సమసిపోయాయి. కానీ.. బాలయ్య మాత్రం తన అబ్బాయ్ లైనా ఎన్టీఆర్, కల్యాణ్ నుంచి కాస్త దూరం మెయింటెన్ చేస్తూ వస్తున్నారు. సినిమాలు, రాజకీయ వ్యవహారాలతో బిజీగా వున్న నేపథ్యంలో వీరంతా దూరంగా వున్నారని ఆమధ్య వార్తలొచ్చినా.. అందులో క్లారిటీ లేకపోయింది. వీరిమధ్య ఇంకా విభేదాలు కొనసాగుతున్నాయనే అనుమానాలు మళ్లీ వ్యక్తమయ్యాయి. అయితే.. ఇప్పుడా సందేహాలను ఫుల్ స్టాప్ పెడుతూ బాబాయ్, అబ్బాయిలు ఓ అండర్‌స్టాండింగ్‌కి వచ్చినట్లు సమాచారం!

నందమూరి కుటుంబానికి సంబంధించి తరుచుగా వస్తున్న విభేదాల వార్తలను చెక్ పెట్టేందుకు వీరంతా ఓ కీలక నిర్ణయం తీసుకున్నట్లు తెలుస్తోంది. అదేమిటంటే.. ఎంతో ప్రతిష్టాత్మకంగా భావిస్తున్న బాలయ్య 100వ సినిమా ప్రాజెక్టుని తన అబ్బాయి కల్యాణ్ రామ్ చేతిలో పెట్టాడని వార్తలొస్తున్నాయి. ప్రస్తుతం ఫిలింనగర్‌లో ఈ చర్చలే కొనసాగుతున్నాయి. పైగా.. బాబాయ్ ఒప్పుకుంటే ఆయన 100వ సినిమాను తాను నిర్మిస్తానని కల్యాణ్ ఇదివరకే పేర్కొన్నాడు కూడా! ఈ నేపథ్యంలో వీరందరూ కలిసి ఈ మూవీ గురించి చర్చించుకున్నారని.. అనంతరం కల్యాన్ రాంకి బాలయ్య నిర్మాణ బాధ్యతలు అప్పగించాడని చెప్పుకుంటున్నారు. ఇక ఈ ప్రతిష్టాత్మక చిత్రాన్ని బాలయ్య కెరీర్‌లో తిరుగులేని ‘సింహా’, ‘లెజెంట్’ వంటి హిట్స్‌ని అందించిన బోయపాటి శ్రీను డైరెక్ట్ చేయనున్నాడని టాక్ వినిపిస్తోంది.

మొదట బాలయ్య 100వ సినిమాను ‘సింహా’, ‘లెజెండ్’ చిత్రాలను నిర్మించిన టాప్ ప్రొడ్యూసర్సే నిర్మించే అవకాశం వుందని మొన్నటివరకు ఓ ప్రచారం జరిగింది. కానీ లేటెస్ట్‌గా బాలయ్య మనసు మార్చుకున్నట్లు తెలుస్తోంది. ఇంత భారీ ప్రాజెక్టుని తన తండ్రి పేరిట నిర్వహిస్తున్న ఓ ప్రొడక్షన్ హౌజ్ నిర్మిస్తే అది తన తండ్రికి తాను, తన కుటుంబం ఇచ్చే అంతిమ నివాళిగా భావించవచ్చని బాలయ్య పునరాలోచనలో పడ్డాడనేది లేటెస్ట్ టాక్. అందుకే కళ్యాణ్ రామ్ సొంత నిర్మాణ సంస్థ ‘ఎన్టీఆర్ ఆర్ట్స్ బ్యానర్‌’పైనే ఈ సినిమాని నిర్మించడానికి బాలయ్య బాబు సుముఖంగా వున్నారని కొన్ని మీడియా, సినీవర్గాలు చెప్పుకుంటున్నాయి. అయితే.. ఇందుకు సంబంధించి ఇంకా అధికారిక ప్రకటన ఇంకా వెలువడాల్సి వుంది.

AS