నితిన్ పూరీల కొత్త సినిమాకు టైటిల్ ఫిక్స్

Posted: 04/01/2015 02:07 PM IST

నితిన్ హీరోగా పూరీ జగన్నాథ్ దర్శకత్వంలో ఇప్పటికే ‘హార్ట్ ఎటాక్’ వంటి బ్యూటీఫుల్ లవ్ స్టోరీ చిత్రం తెరకెక్కిన విషయం తెలిసిందే. ఈ సినిమా మంచి విజయం సాధించింది. అయితే మళ్లీ వీరిద్దరి కాంబినేషన్లో ఓ సినిమా రాబోతుందని వార్తలొచ్చిన విషయం తెలిసిందే.

కానీ ఆ వార్తలను నిజం చేస్తూ ఇటీవలే నితిన్ తన సోషల్ మీడియా ద్వారా త్వరలోనే మళ్లీ పూరీతో ఓ సినిమా చేయబోతున్నట్లుగా ప్రకటించాడు. ‘టెంపర్’ తర్వాత జోరు మీదున్న పూరీ... ప్రస్తుతం ఛార్మితో ‘జ్యోతిలక్ష్మీ’ అనే హాట్ రొమాంటిక్ చిత్రాన్ని తెరకెక్కిస్తున్నాడు.

ఈ చిత్ర షూటింగ్ శరవేగంగా జరుగుతోంది. ఈ సినిమా తర్వాత పూరీ, నితిన్ ల ప్రాజెక్ట్ సెట్స్ పైకి వెళ్లనుంది. అయితే ఈ చిత్రానికి ‘మా అమ్మ సీతమాలక్ష్మీ’ అనే టైటిల్ అనుకుంటున్నట్లుగా తెలిసింది. త్వరలోనే ఈ ప్రాజెక్టు గురించి అధికారిక ప్రకటన విడుదల చేయనున్నారు.