నాగచైతన్య దోచేయ్ శాటిలైట్ రైట్స్ అమ్మకం

Posted: 03/07/2015 11:31 AM IST

అక్కినేని నాగచైతన్య హీరోగా దర్శకుడు సుధీర్ వర్మ దర్శకత్వంలో తెరకెక్కుతున్న తాజా చిత్రం ‘దోచేయ్’ శ్రీ వెంకటేశ్వర సినీచిత్ర బ్యానర్లో నిర్మాత బి.వి.ఎస్.ఎన్.ప్రసాద్ నిర్మిస్తున్న ఈ చిత్రానికి సన్నీఎం.ఆర్ సంగీతం అందిస్తున్నాడు.

ఇటీవలే విడుదలైన ఫస్ట్ లుక్ బర్త్ డే టీజర్ మరియు పోస్టర్లకు మంచి స్పందన వచ్చింది. ఇందులో నాగచైతన్య సరసన ‘1 నేనొక్కడినే’ ఫేం కృతిసనన్ హీరోయిన్ గా నటిస్తుంది. మోసపోవడం కంటే... మోసం చేయడమే బెటర్ అనే కథాంశంతో రూపొందుతున్న ఈ సినిమా టీజర్ అంచనాలను పెంచేసింది.

ఈ చిత్ర శాటిలైట్ హక్కులను ప్రముఖ జెమినీ టీవి భారీ రేటుకు సొంతం చేసుకున్నట్లుగా తెలిసింది. జెమినీ టీవి వారు ‘దోచేయ్’ శాటిలైట్ హక్కులను దాదాపు 4.5 కోట్లకు సొంతం చేసుకున్నట్లుగా సమాచారం.

నాగచైతన్య ఇందులో చాలా స్టైలిష్ గా కనిపిస్తున్నాడు. ఈ సినిమా మంచి విజయం సాధిస్తుందని చిత్ర యూనిట్ ఆశాభావం వ్యక్తం చేస్తున్నారు. సన్నీ సంగీతం అందించిన పాటలను ఈ నెల చివరి వారంలో విడుదల చేసి, సినిమాను వచ్చే నెల 20వ తేదిన ప్రపంచ వ్యాప్తంగా విడుదల చేయడానికి సన్నాహాలు చేస్తున్నారు. త్వరలోనే అధికారికంగా ప్రకటించనున్నారు.