మార్చి రెండోవారంలో ఓకే బంగారం ఆడియో

Posted: 03/07/2015 10:02 AM IST

ప్రముఖ తమిళ దర్శకుడు మణిరత్నం దర్శకత్వంలో రూపొందుతున్న తాజా చిత్రం ‘ఓకే కణ్మని’. తెలుగులో ‘ఓకే బంగారం’ పేరుతో విడుదల చేయనున్నారు. దుల్కర్ సల్మాన్, నిత్యా మీనన్ లు హీరోహీరోయిన్లుగా నటిస్తున్నారు. ఇటీవలే విడుదలైన ఫస్ట్ లుక్ థియేటర్ ట్రైలర్ కు భారీ స్పందన వస్తోంది.

గతంలో మణిరత్నం తెరకెక్కించిన ‘సఖి’ సినిమా తరహాలోనే భారీ లవ్ స్టోరీగా ఈ ‘ఓకే కణ్మని’ వుండబోతుందని కోలీవుడ్ సినీ వర్గాల సమాచారం. ఏఆర్ రెహమాన్ సంగీతం అందిస్తున్న ఈ చిత్ర ఆడియోను ఈనెల రెండో వారంలో విడుదల చేయనున్నారు.

ఈ చిత్ర తమిళ డిస్ట్రిబ్యూషన్ హక్కులను స్టూడియో గ్రీన్ సంస్థ సొంతం చేసుకోగా... తెలుగు డిస్ట్రిబ్యూషన్ హక్కులను ప్రముఖ నిర్మాణ సంస్థ శ్రీ వెంకటేశ్వర క్రియేషన్స్ బ్యానర్లో ప్రముఖ నిర్మాత దిల్ రాజు సొంతం చేసుకున్నారు. మరి ఈ సినిమా ఎలాంటి విజయం సాధించనుందో త్వరలోనే తెలియనుంది.