దక్షిణాది హీరోలతో స్టెప్పులేయిస్తున్న మంచులక్ష్మీ

Posted: 02/26/2015 11:38 AM IST

మంచుఫ్యామిలీవారి వారసురాలు మంచులక్ష్మీ తన సినిమాల్లో సరికొత్త ఆలోచనలతో ప్రత్యేక ఎలిమెంట్లు జోడించడంలో ఎప్పటికీ ముందుంటుంది. ఈ నేపథ్యంలోనే ఆమె తాజాగా తాను నటిస్తున్న సినిమాలో మరో కొత్త ఆలోచనను ఆచరణలో పెట్టేందుకు ప్రయత్నాలు చేస్తోందని సమాచారం! అదేమిటంటే.. దక్షిణాదిన వున్న కొంతమంది పాపులర్ హీరోలతో ఈమె స్టెప్పులు వేయించేందుకు సిద్ధమైందని తెలుస్తోంది.

ప్రస్తుతం మంచులక్ష్మి ‘దొంగాట’ అనే చిత్రంలో నటిస్తోంది. ఇందులో ఈమె సరసన అడవి శేష్ హీరోగా నటిస్తున్నాడు. ఈ చిత్రం కోసమే ఆమె ఓ కొత్త ప్రయోగం చేస్తోంది. ఈ మూవీలోని ఓ పాటలో కొంతమంది హీరోలను నటింపజేస్తోంది. వారిలో అక్కినేని నాగార్జున, రవితేజ, రానా, నాని, శింబు, సుశాంత్ వంటి హీరోలను ఈ పాటకోసం ఓకే చేసుకుందట! ఇంకా మరికొంతమంది హీరోల కోసం ఈమె ప్రయత్నాలు కూడా చేస్తోందని సమాచారం!

తాను నటించబోయే ‘దొంగాట’ సినిమాకు క్రేజ్ పెంచుకోవడం కోసమే ఈమె ఈ విధంగా హీరోలతో డ్యాన్స్ చేయించనుందని అంటున్నారు. ఇందుకోసం ఆమె భారీగానే డబ్బులు వెచ్చించేందుకు సిద్ధమైందట! మరి.. ఈ స్సెషల్ సాంగ్ తన సినిమాకు హెల్ప్ అవుతుందా..? లేదా..? వేచి చూడాల్సిందే!

AS